Popular Bible Verses from Mataio 13

Share

O le fatu na pa‘ū i le ‘ele‘ele lelei, o ia lea ‘ua fa‘alogo ma malamalama i le ‘upu. O ia lea e tupu ma fua mai e ta‘iselau, ma ta‘ionosefulu, ma ta‘itolusefulu.”

O le fatu na pa‘ū i totonu o la‘au tuitui, o ia lea ‘ua fa‘alogo i le ‘upu, a o le popole vale i mea o lenei lalolagi, ma le fiafia i ‘oloa o lenei olaga, ‘ua fētina‘iina ai le ‘upu, ‘ona lē fua mai ai lea.

A fa‘alogo se isi i le ‘upu o le Mālō, ‘ae lē malamalama, ‘ona sau ai lea o le fili ma lia‘i ‘ese le ‘upu na totōina i lona loto. O le fatu lea na pa‘ū i tafatafa o le auala.

O le fatu na pa‘ū i le gaoā, o le tagata lea ‘ua fa‘alogo i le ‘upu, ‘ua na talia fo‘i ma le fiafia; a ‘ua lē mautū lona loto, ma ‘ua na talia le ‘upu mo sina taimi pu‘upu‘u. A o‘o loa ‘ina tutupu mai ni fa‘alavelave po o ni sauāga ‘ona o le ‘upu, ‘ona lafoa‘i lea e ia.

“ ‘Ua fa‘atusaina le Mālō o le lagi i le ‘oloa tāua sa natia i le fanua. ‘Ua maua lea ‘oloa tāua e le isi tagata ‘ona toe nanā ai lea, a ‘ua alu atu ma le fiafia, ‘ua fa‘atau atu ana mea uma, ma fa‘atau mai ai lea fanua.

A o isi fatu na pa‘u‘ū i le ‘ele‘ele lelei. O fatu la ia na ola lelei, ma fua mai e ta‘iselau, ta‘ionosefulu ma ta‘itolusefulu.

Tu‘u pea e tutupu fa‘atasi se‘ia o‘o i le aso ‘ua matua ai le fuata. A o‘o i lea aso, ‘ona ‘ou fa‘atonuina lea o le ‘au faigaluega latou te fa‘aputuina muamua le vao leaga, sāisāi ma lafo i le afi, ‘ae fa‘aputu mai la‘au lelei i lo‘u fale.’ ”