Popular Bible Verses from Luka 22

Share

“Lo‘u Tamā e, ‘āfai ‘e te finagalo i ai, ia ‘ave‘ese lenei ipu ‘iā te a‘u. ‘Ae ‘aua ne‘i faia lo‘u loto, a o lou finagalo, ‘ia faia lea.”

A ‘ua ‘ou tatalo mo oe, ‘ina ‘ia lē mavae lou fa‘atuatua. A o‘o fo‘i ‘ina e toe liliu mai ‘iā te a‘u, ‘ona e fa‘amalosi lea i ou uso.”

‘Ua tago fo‘i o ia i le areto, ‘ua fa‘afetai i le Atua, ‘ona tofitofi ai lea, ma avatu ‘iā te i latou, ‘ua fetalai atu, “O lo‘u tino lenei ‘ua foa‘iina atu mo ‘outou. ‘Ia ‘outou faia lenei mea ma fa‘amanatuga ‘iā te a‘u.”

Sa fa‘apea fo‘i i le ipu ‘ina ‘ua uma ‘ona ‘a‘ai; ‘ua fetalai atu, “O le ipu lenei, o le feagaiga fou lea i lo‘u toto, ‘ua fa‘amaligiina mo ‘outou.

‘Ua tigāina tele lava o ia; ‘ua atili ai ‘ona tatalo naunauta‘i o ia; o lona afu fo‘i ‘ua pei o ‘alu‘alu toto ‘ua pa‘u‘ū ifo i le ‘ele‘ele.

‘Ae lē fa‘apenā ‘outou; auā o lē e sili ‘iā te ‘outou, ia ‘avea o ia ma lē e aupito itiiti; o lē e pule fo‘i, ia fa‘apei o le ‘au‘auna.

‘Ona fetalai atu lea o Iesu, “Peteru e, ‘ou te fai atu ‘iā te oe, e lē vivini moa i le po nei, se‘ia e fa‘afiti fa‘atolu mai ‘e te lē iloaina lava a‘u.”