Popular Bible Verses from Ioane 19

Share

‘Ua talia e Iesu le vineka, ‘ona fetalai atu lea o ia, “ ‘Ua taunu‘u”; ‘ua fa‘agaugau lona ao, ma ‘ua tu‘uina atu lona agaga.

‘Ua silafia e Iesu ‘ua taunu‘u mea uma, ‘ua fetalai atu o ia, ‘ina ‘ia taunu‘u ai le Tusi: “ ‘Ou te fia inu.”

‘Ua silasila atu Iesu i lona tinā, ma le so‘o na alofaina e ia, o lo‘o tutū mai; ‘ona fetalai atu lea o ia i lona tinā, “Tinā e, o lau tama lea!” ‘Ua fetalai atu fo‘i i lea so‘o, “O lou tinā lea!” Talu mai lea taimi na ‘ave e lea so‘o ‘iā te ia i lona ‘āiga.

‘Ua ō ane i latou ‘iā Iesu, ‘ua iloa ai ‘ua maliu lava o ia, ‘ona lē gauia ai lea o ona vae e i latou. A ‘ua tutu‘i e le isi fitafita lona itū i le tao, ‘ona tafe mai ai loa lea o le toto ma le vai.

Na tutupu ia mea ‘ina ‘ia taunu‘u ai le Tusi: “E lē gauia sona ivi.” ‘Ua toe fai mai fo‘i le isi Tusi: “ ‘Ua va‘ai atu i latou ‘iā te ia lē na tu‘ia e i latou.”

Sa ‘ave Iesu e i latou, ma ta‘ita‘iina ‘ese o ia; ‘ua ‘ave e ia lona satauro i le mea ‘ua ta‘ua, “o le mea e i ai le ulupo‘o;” ‘ae ta‘ua i le gagana Eperu, o “Kolokota.”

‘Ua faia e fitafita le pale i la‘au tuitui, ma tu‘u i lona ao; ‘ua fa‘a‘ofu fo‘i ‘iā te ia i le ‘ofu pāuli.