Popular Bible Verses from Ioane 16

Share

‘Ua ‘ou fai atu nei mea ‘iā te ‘outou, ‘ina ‘ia ‘outou maua le manuia ‘iā te a‘u. O le a maua ‘outou i puapuagā i le lalolagi; a ‘ia ‘outou lototetele! ‘Ua ‘ou fa‘ato‘ilaloina le lalolagi.”

‘Ae a maliu mai o ia, o le Agaga lea o le ‘upu moni; na te ta‘ita‘iina ‘outou i ‘upu moni uma lava; auā e lē tautala o ia i lana lava pule, a o mea uma e fa‘alogo i ai, e tautala a‘i o ia; ma e fa‘aali atu fo‘i e ia ‘iā te ‘outou mea o le a o‘o mai.

E o‘o mai nei lava tou te le‘i ōle mai i se mea i lo‘u igoa; ‘ia ‘outou ōle atu ‘ona ‘outou maua ai lea, ‘ina ‘ia ‘ato‘atoa ai lo ‘outou ‘oli‘oli.

‘Ae ui lava i lea, ‘ou te ta‘utino atu ‘iā te ‘outou le ‘upu moni: e aogā ‘iā te ‘outou lo‘u alu ‘ese; auā ‘āfai ‘ou te lē alu ‘ese, e lē maliu mai le Fesoasoani ‘iā te ‘outou; ‘ae ‘āfai ‘ou te alu, ‘ou te ‘auina mai o ia ‘iā te ‘outou. ‘Āfai e maliu mai o ia, na te fa‘ailoa atu i tagata o le lalolagi le agasala, ma le amiotonu, ma le fa‘amasinoga.

E fa‘anoanoa nei fo‘i ‘outou; ‘ae ‘ou te toe sau ‘iā te ‘outou, ‘ona ‘oli‘oli ai lea o ‘outou loto, e lē ‘ave‘esea fo‘i e se isi lo ‘outou ‘oli‘oli. “O lea aso tou te lē toe fesili mai ai ‘iā te a‘u i se mea e tasi. O le ‘upu moni lava ‘ou te ta‘u atu ‘iā te ‘outou, so o se mea tou te ōle atu ai i le Tamā, e foa‘iina atu e ia ‘iā te ‘outou i lo‘u igoa.

O le ‘upu moni lava ‘ou te ta‘u atu ‘iā te ‘outou, e fētāgisi ‘outou ma taufai tagiauē, ‘ae ‘oli‘oli le lalolagi; e fa‘anoanoa ‘outou, ‘ae liua lo ‘outou fa‘anoanoa ma ‘oli‘oli.