Popular Bible Verses from Galuega 2

Share

‘Ua tali atu Peteru, “Inā salamō ia, ma ‘ia papatisoina ‘outou uma ta‘ito‘atasi i le suafa o Iesu Keriso, ‘ina ‘ia fa‘amāgaloina a ‘outou agasala; ‘ona maua ai lea e ‘outou le meaalofa o le Agaga Pa‘ia.

Sa potopoto ma mafuta fa‘atasi i latou nei i lea aso ma lea aso, ma mafaufau atili i le a‘oa‘oga a ‘aposetolo; sa tofitofi fo‘i le areto e i latou ma fai a latou tatalo.

‘Ua fa‘atūtūmuina fo‘i i latou uma i le Agaga Pa‘ia, ma ‘ua amata loa ‘ona tautalatala i gagana ‘ese‘ese, e pei lava ‘ona faia e le Agaga ‘ua mafai ai e i latou ‘ona tautala atu.

‘Ona fa‘afuase‘i lea ‘ona o‘o mai le ta‘alili mai le lagi, e peiseaī se matagi o lo‘o agi malosi mai, ma ‘ua fa‘atūmulia ai le fale ‘atoa sa nonofo ai i latou. ‘Ua iloa fo‘i e i latou laulaufaiva e pei o le afi ‘ua vaevaeina, ma ‘ua i ai i luga o i latou ta‘ito‘atasi. ‘Ua fa‘atūtūmuina fo‘i i latou uma i le Agaga Pa‘ia, ma ‘ua amata loa ‘ona tautalatala i gagana ‘ese‘ese, e pei lava ‘ona faia e le Agaga ‘ua mafai ai e i latou ‘ona tautala atu.

Sa mafuta pea lava i latou ma le loto gatasi, i totonu o le malumalu i aso ta‘itasi; sa tofitofi fo‘i e i latou le areto i o latou fale, ma fai fa‘atasi a latou mea‘ai ma le fiafia ma le loto mamā, ‘ua vivi‘i atu fo‘i i le Atua, ma ‘ua alofagia i latou e tagata uma lava. I le ‘ua fa‘aopoopoina e le Ali‘i i lea aso ma lea aso tagata ‘ua fa‘aolaina.

‘ ‘Ua fetalai mai le Atua, O aso mulimuli, ‘ou te liligi ifo ai lo‘u Agaga i luga o tagata uma. ‘Ona vavalo mai ai lea o ‘outou atali‘i ma o ‘outou afafine, e iloa fa‘aaliga e o ‘outou taulele‘a, e fai miti fo‘i o ‘outou toeaina.

‘Ua potopoto fa‘atasi tagata fa‘atuatua uma, ma ‘ua tu‘u fa‘atasi ma faitele a latou mea totino uma lava. ‘Ua fa‘atau atu fo‘i o latou fanua ma ‘oloa, o le tau fo‘i na maua mai ai ‘ua tufatufa i tagata uma, e fa‘atatau i le mea ‘ua fetaui ma le tagata lava ia.

O i latou uma lava o ē e vala‘au atu i le suafa o le Ali‘i e fa‘aolaina.’

E liua le la i le pouliuli ma le masina i le toto, ‘ona soso‘o ai lea ma le o‘o mai o le aso tele ma le tāua o le Ali‘i.