Popular Bible Verses from Maliko 9

Share

Nanghwe ū Yesu ūng'wīla, “Gīkī ūlū ūdūgije? Angū pyī ī yose īdūlīkanile ū kūlī munhū wa kūzunya!”

Haho na haho ū ise o nyanda ūlīla alīhaya, “Baba nazunije, kwike nīngījage ū būhana-hani bone!”

Hūna ū wei wingīla mu kaya. Aho wasaaga iyene na bahemba bakwe dūhū, būmūja gīkī, “Nibūlī a bise twalī twalemeelagwa ū kūlīpeeja?” Nanghwe ūbashokeja gīkī, “Ī mbika gītī īyī ītīko kūfuma na hado yaya ūlū ītī mu kūlomba.”

Na nghana ū munhu gūlī ng'wiza, alīyo ūlū gūlinda gūsūūka, ī gīsī mukūgūtwīla kī gūsandūke hangī? Na lūūlū bizagi na munhu ū mu bing'we, hū mukwikala mulī mhola būlī ng'wene na biye.”

“Ūlū munhū ūng'wanukūla ūmò wa banīgīnī gīt'ūyū mu lina lyane, wananukūlaga nene. Hama ūyo ūnanukūla nene, atananukūlile nene dūhū, alīyo wang'wanukūlaga ūyo anitūmile.”

Nguno būlī munhū ūyo ūng'winha a bing'we minzī ga kūng'wa, īkī mulī ba ng'wa Kilisto, nalīmuwīla gwa nghana gīkī, ū ng'wenūyo atūjimīīja ī mheela yakwe.”

“Na hangī ūlū munhū ūng'wenheleja kwipama nūūlū ūmò wa bado-bado abo banisanije nene benaba, īkūbiza hambū-hambū atungīlījiwe ū mu nhingo yakwe iwe lya kūshela, akaponejiwe mu nyanza shimu, achīle ng'wenūmo.

Nūūlū liso lyako lyūkwenheleja kwipama, līkobolage ūlyīnje ho. Nguno īlī hambū-hambū wingīle ū mu būtemi bo ng'wa Mulungu ūlī na songo, kūtinda kūbiza na miso abīlī alīyo ūponyiwa mu nsango gwa moto.