Popular Bible Verses from NÁN RÓMA VɄ 6

Share

moo hȩn ɓı̵́d sú̵ú̵ ba woo kan nɔmme, a̧máa hȩn Tayɨɨ ka pú̵ ba té' máa wu̵ vágád káákáá woolı̵́ kan yɛ́g Yesu Krístu ı̵́ 'yɛ́lı̵́ baa ví woo nɔ.

A̧máa hȩn ɓı̵́d a duu mba ví sá, moo dooká Múúsa woo vu̵ buun ví sı̵́ né, a̧máa Tayɨɨ 'yɛ́ ví sı̵́ kan zó̧ó̧ nán woo nɔ.

Kaa woo ví mam Tayɨɨ máa, ba sú̵g dɔ́ ví kannɔ bɛ́ɛ́gı̵́ sú̵'ú̵, moo kaa sú̵g nɔɔ ví kannɔ yȩ nɔ. Yesu ka níḿ sı̵́ nɔmmé kan nag gbaŋ Ba'á Tayɨɨ woo ú̵ máa, ba ví á̧ḿ, báń mbaa ví mbaalı̵́ 'maŋŋɨ.

I 'yɛ́ fó̧ó̧ víí ka' tóó moo hȩn ɓı̵́d kə́dkə́d kɔ́lı̵́ sá. A̧máa i ɓɛ fó̧ó̧ víí pú̵ Tayɨɨ kɔ́ ı̵́ nán ka níḿ ya nɔmmé máa wɔgɔ. I dɔd yúú víí 'waapád ba'ad woolı̵́; fó̧ó̧ víí u̵u̵ mbaa kɔ́ ı̵́ hȩn ba'ad wɔgɔ; i kɔ́ ba'ad a to̧o̧d Tayɨɨ wu̵lı̵́ á̧ḿ.

Ba gaa ví du̵u̵lı̵́ na'a; mbaalı̵́ káa mbaa ví tíŋ́ máa, vu̵ su̵g ga' ba ví sı̵́ kan Krístu á̧ḿ la' vbagadı̵́ ú̵, moo Tayɨɨ a tud mbaalı̵́ ɓı̵́d baa ví yɛ, moo aa duu mbaa ví sı̵́ gba'a hȩn ɓı̵́d woo sá

Ví á̧ḿ kíí sú̵gú̵n kan Yesu Krístu yȩ, i nɔɔ gbɔ hȩn ɓı̵́d tée, fó̧ó̧ víí a mbaad Tayɨɨɨ.

Tée báń o̧ ví nɛ́nná? Ba kɔ́ ví hȩn ɓı̵́d laa tíŋ́ tíŋ́ moo Tayɨɨ a kɔ́ zó̧ó̧ nán gbo̧o̧ ba'aa? Ɨ́ yo̧go̧ pɛ́lı̵́ sá̧ḿ! Ba mbaa ví sı̵́ nɔmná yúú hȩn ɓı̵́ddı̵́ ú̵, ma báń duu dəŋ née mbaa ví kan hȩn ɓı̵́ddá?

Ví gaa kaa dɔ́ ba'ad nán tóó woolı̵́ tée, ba ta ya̧g ba bíń kiddu̵ tɔ́ggú̵, ba bíń tii gba'a woo ú̵ náa? Máa, tóó tée hȩn ɓı̵́d wu̵ pa̧ŋ ba laan nɔmmé, tóó tée tɔ́g kilí wu̵ pa̧ŋ ba laan, ma ba kɔ́ hȩn hí̧í̧lí̧ Tayɨɨ woo.

A̧máa ba na' ví Tayɨɨɨ. Ɨ́ víí kíí mbaa gba'a hȩn ɓı̵́d woo máa, ví ya duu hȩn tú"í ku̵u̵ tú'ud ví yȩ kan zó̧ó̧ víí 'waapád sú̵'ú̵. Ví sə́d sı̵́ víí hȩn ɓı̵́ddı̵́ ú̵, ví tii sı̵́ gba'a moo hȩn hí̧í̧lí̧ Tayɨɨ woo kɔ́lı̵́ ú̵.