Popular Bible Verses from NÁN RÓMA VɄ 14

Share

moo gbaŋ waalı̵́ Tayɨɨ woo máa, za'an hȩn lálı̵́ né, kóó hȩn zɔlı̵́ á̧ḿ. A̧máa za' mbaalı̵́ kɔ́ ı̵́ Tayɨɨ ka hí̧í̧ wɔgɔ, kan to̧o̧g, kan zó̧ó̧ dȩ"ȩ́ yigid Tayɨɨ woo ka pú̵ máa á̧ḿ. Nán a kɔ́d Krístu ba'ad ı̵́ yo̧go̧ tée, to̧o̧d Tayɨɨ kan nánán vu̵ á̧ḿ.

Aa mbaa ví zá̧a̧d tée, ba mbaa ví moo ı̵́ 'yɛ́lı̵́ Tayɨɨ woo nɔ. Tow aa nɔɔ ví tée, ba nɔɔ ví moo ı̵́ 'yɛ́lı̵́ woo nɔ á̧ḿ. Moo woo nɔ, kóó aa mbaa ví zá̧a̧dná, kóó aa nɔɔ ví ú̵ si̧', ba ví ı̵́ 'yɛ́lı̵́ Tayɨɨ woo vu̵ yu̵

Tée ba soo ví to̧o̧g, kan hȩn a sȩn ba ví fó̧ó̧ yúú zó̧ó̧ 'yɛ́lı̵́lı̵́ máa á̧ḿ.

Moo woo nɔ ma, ba gbɔ ví moo sə̧"ȩ́ ya baa vílí. Kóó nɔ́nná a mbɔ́g moo woolı̵́ zó̧ó̧lȩ́, a kɔ́ hȩn a dɔd daga vu̵ hȩn ɓı̵́ddı̵́, tóó tée a há' vu̵ zó̧ó̧ 'yɛ́lı̵́ máa sá.

Debtere o̧: “Míi ı̵́ 'yɛ́lı̵́ Tayɨɨ, mí dɨlı̵́; nán 'waapád vú̵ń nə'əy tíŋ́ míílí̧; nán 'waapád vú̵ń na'an zo"ı̵́.” Tée nán 'waapád vú̵ń hí̧i̧d Tayɨɨ ya̧g yúú hȩn kɔ́lı̵́ voo vu̵lı̵́.

Nán ı̵́ ka néen zó̧ó̧ 'yɛ́lı̵́lı̵́ né máa, i fȩȩwo̧ ya ú̵, a̧máa i sə̧' moo yúú moo taalı̵́ woolı̵́ sá.

Mɔ́ móó nóo ma, mɔ́ sə̧' moo yúú nán ba'ad dam voolı̵́lá? Kóó a mbaa du̵u̵ na'a ba'ad woolı̵́, kóó a mbaa du̵u̵ né á̧ḿ, aga moo baa lig woo woo nɔ. A̧máa wú̵ń mbaa du̵u̵lı̵́ na'a, moo ı̵́ 'yɛ́lı̵́ Tayɨɨ wu̵ dɨ kan néélȩ́ tíddu̵.