Popular Bible Verses from Lúg 5

Share

Ka tú' moo 'waa máa, o̧d Simɔ́ŋ: “A̧m séé la tíŋ́ ya mam súlílí, ví la tú̵ú̵ kȩgȩ wu̵lı̵́, tée víń ma' ze'.”

Simɔ́ŋ hí̧i̧du̵: “Ba' naa, vɔ́ kɔ́ ba'ad viviivid, vɔ́ nugun hȩn tóó né. A̧máa moo kíí o̧ sú̵'ú̵ máa, míń la tú̵ú̵ ú̵.” Ku̵u̵ tú̵ú̵ kȩgȩ máa, ze' vu̵ ma'ay há̧á̧, zaa kȩgȩ kan deyyú̵.

A̧máa Yesu daa laa ya tutugulí, o̧d Tayɨɨ moo wu̵lı̵́.

Mí yaan nán ku̵u̵ taa ba bin kɔ́ hȩn hí̧í̧lí̧ Tayɨɨ woo nɔ máa vu̵ yu̵ beelı̵́ né, a̧máa mí ya bee nán ı̵́ ku̵u̵ gaa ba bin kɔ́ hȩn ɓı̵́ddɨ máa vu̵ yu̵, moo u̵u̵ tii zó̧ó̧ȩ.”

Simɔ́ŋ Piɛ́r ka ho̧ ku̵u̵ ma' ze' na'aa máa, zó̧ó̧ tó̧"o̧. Tó̧' nán ku̵u̵ mbaa kannɔ yȩ vu̵ á̧ḿ. Ma la gu doo núug tíŋ́ Yesu woolı̵́, o̧: “Ɨ́ 'yɛ́lı̵́ míí, i lúú la dáŋ́ míílí̧, moo mí nán hȩn ɓı̵́d kɔ́lı̵́ɨ.”

Yesu hí̧i̧d vu̵: “Nán ku̵u̵ mbaa nánná máa, vu̵u̵ soon gbaŋ gam né. A̧máa nán ho̧o̧ vu̵u̵ baa soo.

Ma vu̵ woo nɛ́ŋ́ vu̵ vud ɓá"ı̵́, vu̵ gbɔ hȩn 'waapád, vu̵ lúú dugu.

Yesu ka dɨ kaa tóólı̵́ máa, nán tóó du̵u̵lı̵́, ho̧o̧ naa yɛ́ddu̵ fó̧ó̧ 'waa la pád. Ka ho̧ Yesu máa, ya kə̧ə̧du̵ la tíŋ́, ɓá"u̵ o̧: “Ba' naa, tow i hí̧í̧ ú̧ tée, víń kɔ́ fó̧ó̧ míí yɛ wú̵ń yu̵d.” Yesu yo̧o̧ nag, za"u̵, o̧: “Mí hí̧í̧ sú̵'ú̵, a yu̵dda ú̵.” Vaŋná ho̧o̧ 'wáawu̵ zu̵u̵ ya̧g woolı̵́.

A̧máa yɛ́g Yesu woo duu kiy mba hȩn ya 'waapád. Dúú vu̵ baa sú̵g ya moo woo kilí, moo a za̧a̧ bi ho̧o̧ bii á̧ḿ.