Popular Bible Verses from Debtere ba'ad waa ba'ad voo nɔ 1

Share

A̧máa yigid Tayɨɨ woo a yaa víílí tée, víń nuŋ néélȩ́ tóó, víń mbaa ı̵́ ya̧g du̵lı̵́ míí vu̵ kaa Yerúsalemmé kan hág Yúúdalı̵́ 'waapád kan hág Samaríilí á̧ḿ, há̧á̧ wú̵ń ya̧ la hág sí̧'í̧dí sag.”

Ma Yesu hí̧i̧d vu̵: “Sey woo kan zá̧ga̧ woo, Ba' míí ka 'yɛ́ kan néélȩ́ woo máa, kan ví ní.

Zá̧ga̧ tóólı̵́ ka sú̵g lá hȩn kan vu̵ á̧ḿ máa, o̧d vu̵ wu̵lı̵́: “I lúú kaa Yerúsalemmé sá, i laa hȩn Ba'á Tayɨɨ ká ta ya̧g yúú woolı̵́, ba bíń pú̵ ví ú yȩ pȩ́ń. Ká mí o̧d ví moo woo sú̵'ú̵, moo Yoohá̧na ká woo nán vu̵ mam Tayɨɨ kan mamme, a̧máa ı̵́ víí bá' wú̵ń ɗii ní, Tayɨɨ wú̵ń woo ví kan yigid woo nɔ.”

Pig nɔm woolı̵́ máa, tú'ud waa duulí woo vu̵ fó̧ó̧ zá̧a̧dná do' ɓu̵u̵lı̵́ na'a, há̧á̧ ya̧ bá' vo' ndaddú̵, tú'ud vu̵ fó̧ó̧ woo, o̧d vu̵ moo gbaŋ waalı̵́ Tayɨɨ woo.

Yesu ka o̧d vu̵ moo yȩ 'waa sú̵'ú̵ máa, vu̵ ho̧go̧ daa ɗáá dɔg be"ı̵́. Mam hi̧i̧g ya tiddu̵ la voolı̵́ nɔ́lȩ́.

Sey ku̵u̵ baa tə́g dɔg nɔ́ɔ́ be"ı̵́ máa, nán tóó vu̵ gbɔ vúd ya idú, vu̵ dɔ́ sa̧a̧m heená, vu̵ dii dáŋ́ voolı̵́, vu̵ o̧d vu̵: “Nán Gálilée vu̵, moo ȩn ví tə́gə nɔ́ɔ́ dɔg be"ı̵́lá? Tayɨɨ ɓɛ Yesu yȩ dɔgɔn be"ı̵́ ma, wú̵ń duu dɨ zu̵u̵ fíiní ı̵́ yo̧go̧ á̧ḿ kɔ́ ı̵́ kíí ho̧go̧ dɔg yȩ wɔgɔ.”