Popular Bible Verses from 1 Nán Koríńti vu̵ 2

Share

A̧máa debtere o̧ ı̵́ yo̧go̧, o̧: “Hȩn nán ka ho̧n né, ka kin ní, ku̵u̵ taa né á̧ḿ máa, Tayɨɨ mbɔ́gɔd woo nán ı̵́ ku̵u̵ hí̧í̧wo̧ máa vu̵ yu̵.”

Nánán ı̵́ ka kan yigid Tayɨɨ woo pɛ́lı̵́ máa, fȩȩn woo moo hȩn yigid Tayɨɨ woo né. Woolı̵́ máa hȩn woo hȩn ya̧ŋŋɨ, wú̵ń kin ní sá̧ḿ. Séý yigid Tayɨɨ woo a tú'udu̵ pȩ́ń, wú̵ń gaa.

Yigid Tayɨɨ woo tú'ud vɔ́ vóó hȩn yú̵ggı̵́ Tayɨɨ woo yɛ nɔ, moo yigid woo soo hȩn ho̧ 'waapád, kóó hȩn ı̵́ Tayɨɨ ka yu̵g vu̵ ɗiilí na'a máa vu̵ á̧ḿ.

A̧máa ı̵́ baa ví, ba nugun ví yigid ı̵́ nánán voo nɔ né; ba nuŋ ví yigid ı̵́ ka yaa Tayɨɨ woolı̵́ má nɔ, moo aa gaa ví hȩn ı̵́ Tayɨɨ ka pú̵ ba ví kan zó̧ó̧ nán woo máa á̧ḿ.

Hȩn tú"í míí kan moo Tayɨɨ palı̵́ míí vu̵ máa, vu̵ man kan ı̵́ nán hȩn gaalı̵́ voo vu̵ né, a̧máa yigid Tayɨɨ woo kan néélȩ́ woo wu̵ kɔ́ ma, ví gaa ba moo yȩ́ńne. Mí kɔ́ ı̵́ yo̧go̧ moo i 'yɛ́ zó̧ó̧ víí yúú hȩn gaalı̵́ nánán voolı̵́ sá, a̧máa zó̧ó̧ víí a mbaa də́ń yúú néélȩ́ Tayɨɨ woo yȩlȩ́ kəd.