Popular Bible Verses from Marcos 16

Share

Nachi somayi 'enapegalo soomayi, 'eeta': –Qanqo'oñiÿa qome 'enauac na shiÿaxauapi mayi huetalec ana 'alhua, nachi qau'aqtaxañiim dam n'aqtac mayi chigaqaigui da nca'alaxa.

Qaq cam hueta'ague ca da'amqajnataxan, camayi i'ot qome na n'anecpi mayi 'eeta': qai'onataxana da i'enaxat da qai'odauec na n'ecpi leguemaxaic, qataq da qai'aqtaxanguilo naua ÿaqa'alo n'aqtaqa, qataq da qaÿacongui ca n'adaxanaq, qataq da huo'otaq qanÿomgui ca deshinataxan, qalaq sa ishit da huo'o ca 'enec; qataq da qaÿashil-lec na sa no'onpi, nachi no'oita.

Qaq ca da'amqajnataxan, nachi qanachilaxan, qaq nachica qome ca qanca'alaxateec; qaq cam sa ishit da da'amqajnataxan, nachi camayi nachi 'eetai' qome da netagui da lasouaxashit.

Nachi soomayi je'c da i'axa't da n'aqtac mayi chigaqaigui da nca'alaxa 'enauaque naua laÿil. Qaq som qadataxala' itauaata'pe soomayi da ÿataqta ipacchiguilo naq'en naua l'aqtaxanaxaco, qataq da ÿachaxan na n'anecpi mayi sa qaÿauanapigui. Aja', nachi 'eetec de'eda.

Qalaxayi somayi 'enapegalo' soomayi, 'eeta': –Sa ishit da qayi'ii; qami' qanmichiitaique so Jesús mayi Nazaret l'ec, som qaiuaxaneuo co'ollaxa. Qalaxayi somayi ÿoltaq nca'aleec qanqoÿin, qaq mashi sa ishit da hueta'a ne'ena. Ña qamijñi nam qaÿachaña co'ollaxa.

Qalaxayi co'ollaq qaÿamatau'a se'eso coma' lta'adaic mayi lapoxot aso huachiqui, nachi mashi qaica. Nachi qainoxonoigui aso huachiqui. Huaña, nachi qaila'a so nsoq nso'ootañi, hueta'ague na aloic, logodaiqa soua alogo lapagaxaiqa. Nachi soomayi ÿataqta ñi'i'.