Popular Bible Verses from Marcos 14

Share

Qaq co'ollaq nqouagaxaueetac, nachi 'eeta': –'Am ita'a, 'am qaica 'enauac ca 'auqalanapec. Qaq sa ishit qome da aÿim 'apagaqna'aguet de'eda que'ejnaxac mayi 'eeta'am da qanÿomgui ca deshinataxan. Qalaxayi sa ishit qome da 'au'ot ca maichi shiitapeguec, chaqcata ca maichi qonetapeguec.

Qanloitauec qome qataq qanqouagaxauñiitac, yaqto' sa ishit da qami' inoxonoiguilo ca qauem qadhuennataqai. Cha'ayi ca shiÿaxaua da lquiyaqteÿaxac ÿataqta nasapatta, qalaxayi da l'oquiaxac mayi qaica ca lasapachaxa.

Qaq ÿataqta 'eesa de'eda qami' sa'axatema, da cam pa'aigue naua laÿil ana 'alhua da qai'axattac de'eda n'aqtac mayi chigaqaigui da nca'alaxa, nachi nataq'en qai'axattac qome de'eda i'ot ada'ada 'alo, yaqto' nachi 'eetai' qome da qaiuennatapega adamayi.

Nachi 'enapeco': –Añi iquiyaqte ÿataqta daquico, nomteguet da l-leuaxa. Qaq qami' qoviÿa'a qome ne'ena, sa ishit da qau'ochii.

Qaq co'ollaq ña deque'eta'pe soomayi, nachi so Jesús ÿacona aso pan, nachi ÿanot da n'achiquiaxac ñi Dios. Qaq co'ollaq imat da ncolaxajñi, nachi ÿanoiguilo soomayi. Nachi 'enapeco': –Qolliqui ana'ana, anamayi nachida da i'oquiaxac.

Ime, qataq ÿacona aso ÿomaxaqui. Qaq co'ollaq imat da ÿanot da n'achiquiaxac ñi Dios, nachi ÿanoiguilo soomayi, nachi 'enauaque soomayi da nÿomguilo aso ÿomaxaqui. Nachi 'enapegalo' soomayi, 'eeta': –Ne'ena nachina na itago'q mayi ÿoqta 'itchiguiñi naq'en dam dalaxaic aÿamaxataxac. Ne'enaua itago'q, naamayi taÿa'alo da qaicoldeec, da yaqto' qalota na qanca'alaxateec.

Nachi so Jesús 'enapegalo soomayi, 'eeta': –'Enauac da qoñiita aÿim qaualachiÿa'a't ne'ena pe, cha'ayi nachi 'enapec naua ñiyigui'shi l'aqtaqa ñi Dios, 'eeta': “Salauat qome ñim ilotague' ana qagueta, nachi ana qaguetapi qome nlagaxattac.”

Qaq qoñiishiguem qome. Qolaq, cha'ayi mashi nvi' nam aÿim ÿaneuo.

Nachi so Jesús 'enapego' somayi 'eeta': –Ÿataqta 'eesa de'eda 'am sa'axatem, da ne'ena pe qom yaqta'a da dos ÿi'iguelaxalec da noÿin ca 'olgaxa, qaq mashi ivi' tres qome da 'anqoleguettac da qonetega aÿim sa 'auauatton.