Popular Bible Verses from Mateo 19

Share

Nachi so Jesús ÿamataiguilo soomayi, nachi 'enapeco': –Na shiÿaxauapi sa ishit da ÿañoxot de'eda. Qalaxayi ñi Dios mayi sa ishit da huo'o ca ÿaqalanapec.

Nachi caamayi sa ishit da 'ico' dos. Chaqdata da 'eeta'am ca 'oonolec. Qaq ÿoqo'oyi ca shiÿaxaua sa ishit da isoguilo caua ÿadonaxanaxana't ñi Dios.

Nachi so Jesús 'enapeco': –¿Sa ishito' peta'a da qautaxaÿaxañi qami' naua ñiyigui'shi l'aqtaqa ñi Dios dam 'eetec ñimayi co'ollaq chita'ague da do'onataxan, nachi “i'ot so shiÿaxaua qataq aso 'alo”? Ñi mayi nataq'en 'enapeco': “Ÿoqo'oyi ca shiÿaxaua ca'ai ca lta'a qataq aca late'e, da yaqto' lmayaxaua aca lhua. Huaña, nachi caamayi 'eeta'am ca 'oonolec shiÿaxaua.”

Qalaxayi so Jesús 'enapeco': –Qauaqaita'a na ñaqpiolec da aÿim nau'a. Sa ishit da qauquiyoqoitapeeguet namayipi, cha'ayi ca huetaigui da l'onataxanaxac ñi Dios mayi neta'ague da piguem, camayi 'eeta'am ca 'oonolec namayipi.

Qalaxayi ÿataqta qalota qome nam nagui l'auaxanecpi nam pa'ateec qome qanqoÿin, qataq ÿataqta qalota qome nam nagui pa'ateec nam l'auaxanecpi qome qanqoÿin.

Nachi 'enauac nam n'onaxatchigui na lma'pi, huo'otaq ca lqaÿañicpi qataq lqaÿanpi 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na n'alhuapi, souaxat aÿim, nachi camayi ivi' qome ca cien nam qoÿami'pi. Nataq'en qoÿami' dam nca'alaxa mayi chochaq tateec.

Nachi so Jesús 'enapeco': –Da 'anshitaique da ÿataqta nalochiguiñi da 'adataxac, qaq no'on da qojec, nachi 'aumen 'enauac na 'am hueto'ot, qataq 'ai'anoigui na choxodaqpi, qaq yaqto' huo'o ca 'adsallaxa hueta'ague da piguem. Qaq da ime, nachi 'auanac, aÿim 'auca'ategue.

Nachi so Jesús 'enapeco': –¿Tá'ainco' yi qonetega da aÿim soxodaic? Yi qaica cam lÿa ñim soxodaic, 'oonolec Dios. Qalaxayi da 'am 'anshitaique da 'aunoxoneu'a da nca'alaxa, qaq no'on da 'am ÿataqta 'aualaxalec nam lamaxasoxonaxacpi ñi Dios.

Qaq aÿim shi'iguelaxalec da qami' sa'aqtaxanema, da ÿataqta huo'o da lqalaic aca shiguiÿac l'enaxat camello da taigui qanqoÿin ca lauac ana qana. Qalaxayi ÿapacteec da lqalaic ca sallaxanec da inoxoneu'a da l'onataxanaxac ñi Dios da ilo'ogue 'enauacna.

Qaq ÿoqo'oyi aÿim qami' shinapegalo da ca nalate' aca lhua, da huo'otaq sa ishit da huasoilec da nquishishaxac acamayi, nachi camayi da huo'otaq huadon, nachi ishit da qaÿamata'ac huadonaxaic. Qataq cam huadonguet aca 'alo mayi qaÿalat, nataq'en camayi qaÿamata'ac da huadonaxaic.

Nachi so Jesús 'enapegalo soua lapaxaguenataqa, 'eeta': –Ÿataqta 'eesa de'eda qami' sa'axatema, da ÿataqta huo'o da lqalaic na sallaxanecpi da inoxoneu'a da l'onataxanaxac ñi Dios mayi neta'ague da piguem.