Popular Bible Verses from Mateo 14

Share

Qalaxayi co'ollaq nomteguet da l'añaxac so l'at, nachi ÿataqta huo'o da lcolanaxa. Nachi somayi iyiiñi, nachi i'alaq, 'eeta': –¡'Am ÿataxala', aÿim 'anca'alaxateec! Nachi so Jesús ÿacooteguet na lhuaq. Nachi 'enapega, 'eeta': –¡Ÿataqta qapi'olec da 'adpi'iÿaxac! ¿Tá'ainco' yi 'auqolguetaxan?

Qalaxayi co'ollaq nomteguet da l'añaxac so l'at, nachi ÿataqta huo'o da lcolanaxa. Nachi somayi iyiiñi, nachi i'alaq, 'eeta': –¡'Am ÿataxala', aÿim 'anca'alaxateec!

Nachi so Jesús 'enapegalo soomayi, 'eeta': –¡Qan'añaxachi qome, sa ishit da qayi'ii, nachaÿim!

Nachi so Pedro detaqa, 'eeta': –'Am qadataxala', qom ÿoqta 'eesa da nachi'am, qaq no'on qome da aÿim 'auashiitem da sapelec na 'etaxat, da yaqto' 'am ñoqo'oneuga. Nachi so Jesús 'enapeco': –Aja', 'ayala. Nachi so Pedro huenoteeguesop aso barco, nachi petalec na 'etaxat da nqo'oneuga so Jesús.

Nachi soua netanguilo aso barco, soomayi i'adoto naua l-llicte so Jesús, nachi 'eeta': –Ÿoqta 'eesa da nachi'am mayi 'am llalec ñi Dios.

Nachi so Jesús 'enapeco': –Namayipi sa iuen da jec. Qami' qai'añiim qome ca aloq. Nachi soomayi 'ena'po': –Qaica cam lÿa qonoq, chaq yiuate' yiua cincole pan, qataq yiua dosolqa nÿaxayi.

Nachi so Jesús 'enapeco': –Ñaq aÿim qandoiua'alo caamayi. Nachi 'enapega so shiÿaxauapi da nso'ooñi, nso'oolec na 'auaqpi dadala. Ime, nachi ÿaconalo soua cincole pan qataq soua dos nÿaxayi. Nachi ÿamato'ot na piguem, nachi ÿanot da n'achiquiaxac ñi Dios. Ime, qaq ncolaxajyiñi soua pan, nachi ÿanema soua lapaxaguenataqa. Qaq soomayi nachi ÿanoiguilo na shiÿaxauapi.

Nachi 'enauac somayipi deque'e qataq ÿataqta comadaxaicpi. Qaq co'ollaq ime, nachi qaiÿoxoguilo soua doce canasta som ñi'iÿoxotpi, nachi ÿataqta nlaqchiguilo.