Popular Bible Verses from Lucas 9

Share

Qaq ime, nachi 'enapega 'enauac somayipi, 'eeta': –Ca nshitaique da aÿim quegue, qaq no'on da ÿalat 'enauac na maichi lhuennataxa, ime, qaq aÿim quegue 'enauaque naua na'axa'te, nai'ctaxa da daqat da nachaalataxac.

Cha'ayi ca nshitaique da nachi 'eetai' da nca'altauec, qaq nachica ca daqat da nachaalataxac. Qaq ca daqat da nachaalataxac souaxat aÿim, qaq nachica ca jec da nca'altauec.

Qalaxayi so Jesús 'enapeco': –Qaica ca shiÿaxaua da huo'otaq mashi ÿashil-lec ca n'arado da n'atshiguem ca n'alhua, ime, qaq ÿamata'ague na l-laq. Cha'ayi da nachi 'eetec, qaq camayi saq taiguet da l'onataxanaxac ñi Dios da ilo'ogue 'enauacna.

Cha'ayi ¿chaq negue'to' ca ÿachigoxotaigui ca shiÿaxaua da imatta't da nauec 'enauac nam huetalec ana 'alhua, da huo'otaq daqat, huo'otaq da maichi nque'emaqchijla't?

Cha'ayi ca aÿim ncoxolec qataq da i'aqtac, qaq nataq'en na shiÿaxaua llalec ncoxolec camayi, qom ivita da ñi'iguelaq da nta'a, nactaigui da lli'oxoyic ñi lta'a qataq nam qui'itta lamaxashicpi piguem l'ecpi.

Nachi so Jesús 'enapeco': –Ana huaxaÿaxapi huo'o na lauac, qataq na qoÿopi 'enauac huo'o na lpata'c, qaq ne'ena shiÿaxaua llalec, qalaxayi sa ishit da huo'o ca l'axasoqo' da do'ochi.

Nachi 'enapeco': –Ca ÿaconguet ne'ena nogotolec souaxat da aÿim i'amaqteetac, qaq nachaÿim mayi aÿim ÿaconguet. Qaq ca aÿim ÿaconguet, qaq nataq'en ÿaconguet ñim aÿim namaq. Cha'ayi ca ÿapacteec qaica ca l'amaqchic 'enauac da qoñiita, qaq nachica ca ÿacteec da l'amaqchic.