Popular Bible Verses from Lucas 17

Share

Nachi 'enapega so shiÿaxaua, 'eeta': –Qoñishiguem qome. Ime, qaq qojec. Mashi 'am no'oita, cha'ayi 'au'amqajnataxan.

Qaq nai'ctaxa da huo'otaq ivi' siete da ÿi'iguelaxalec da huo'o ca 'am i'otec ca 'oonolec na'a'q, qaq da i'enaxatteguet da siete da 'am nau'a da 'am 'enapega, 'eeta': “Nagui sa ishit da shi'iguelaxalec da huo'o ca 'am so'otec,” nachi 'am no'on da 'auchoxoden camayi.

Nachi so 'oonolec somayipi co'ollaq ila'a da mashi qui'itta na l'oc, nachi ñi'iguelaq, nachi ÿi'oxodeetac ñi Dios, ÿataqta i'alaqtai'. Nachi i'adoto naua l-llicte so Jesús, ÿataqta ividaxata'aguet naq'en na latap na 'alhua, nachi ÿaatacot da n'achic somayi. Qaq se'eso shiÿaxaua somayi l'ec yi Samaria.

Qaq maxatchaxa qome. Ca 'adqaÿa qom huo'o ca 'am i'otec sa ÿaÿamaxañi, qaq no'on da 'avidaxato'ot camayi. Qaq da huo'otaq ÿaxaneec ca n'onataxac, qaq 'auchoxoden.

Nachi so Jesús 'enapeco': –¿Sa ishito' da diez som no'oitapi qanqoÿin na l'oc? ¿Huéta'ague cam laÿipi?

Nachi so qadataxala' 'enapegalo' soomayi, 'eeta': –Qami' da huo'o ca qadpi'iÿaxaqui, nai'ctaxa da 'ico' lcata'amole aca ala ana l'enaxat mostaza, qalaxayi qoñiÿapega ada'ada qo'ipaq late'edai, qoñiita': “Qoca'ai ne'ena qonetaña, ime, qaq qonangui aso auaxai,” qaq ada'ada qo'ipaq ishit da qami' ÿalaxagueta.

Ca nshitaique da nachi 'eetai' da nca'altauec, qaq nachica ca daqat da nachaalataxac; qaq cam daqat naq'en da nachaalataxac, qaq nachica cam nca'aleec.

Nachi so Jesús 'enapega so lapaxaguenatacpi, 'eeta': –Aÿim saÿateeso'o' da huo'o qome ca ishit da ÿauo'o naq'en ca lasouaxashit na shiÿaxauapi, qalaxayi ¡choxodaxaso' qome que'eca shiÿaxaua mayi huo'o naq'en ca lasouaxashit ca lÿa! Camayi no'on qome da qaicoñida'ac na lqosot ca coma' lta'adaic, ime, qaq qaÿasaxauga aca auaxai, cha'ayi sa ÿaÿamaxañi da huo'o naq'en ca lasouaxashit ca 'oonolec ne'ena saq 'amaqtaqpiolec.

Qaq 'eeta'am qome da 'eetec soua vi'iyi mayi huetaiguilo co'ollaxa so Noé, qaq nachi 'eeta'am nataq'en ca na'a'q mayi huetoigui da ñi'iguelaq ne'ena shiÿaxaua llalec. Somayipi deque'etac qataq nÿomtac, qataq huadootega't qataq huetapegue' da ladonaxac na llalpi, chochi ivitta'a so na'a'q co'ollaq so Noé inoxonoigui aso nnotaxaqui. Nachi anac so auot, huaña, nachi ileu 'enauac somayipi.