Popular Bible Verses from Lucas 12

Share

Qaq qami' nataq'en ÿataqta qanaÿamaxachiitai' qome, cha'ayi qom huo'otaq sa ishit da huo'o ca taÿapigui qadvilli, nachi nvi' ne'ena shiÿaxaua llalec.

Qalaxayi qami' qauamachiu'a qome da l'onataxanaxac ñi Dios da ilo'ogue 'enauacna, yaqto' ishit da qami' taÿoto 'enauac namayipi.

Nataq'en 'enapeco': –Maxatchaxa, qadvichiÿa'a qome 'enauac na nqopitaxanaqtaiguesat, cha'ayi da nachaalataxac ca shiÿaxaua sa ishit da ÿachigoxotagui nam saqalota lsallaxa mayi hueto'ot.

Cha'ayi cam hueta'ague da qadsallaqai, qaq nachica cam hueta'ague da qadquiyaqteÿaxaqui.

Qaq, ¿négue't ca 'oonolec da qoñiita da ÿapacteec da lachitataic, nachi ishit da ÿañoxot da nquigaxatshiguem yi lalogaxa?

Qaq co'ollaq ime, nachi so Jesús 'enapega som lapaxaguenatacpi, 'eeta': –Nagui qami' shinapegalo: Sa ishit qome da qami' ÿaquicoqchi't cam qonoqoi qataq cam qanapoiña.

Cha'ayi na laue ñi 'oonolec da qoñiita ivida'a 'enauac da qanaloqteeta. Qaq ÿoqo'oyi sa ishit qome da qayi'iitac, cha'ayi qami' ÿacteec da qadashiichiÿaxaqui. Sa ishit da qoñiÿa'am da lashiichiÿaxac na qoÿopiolec.

Sa ishit qome da qayi'ii, qami' mayi qoñiita'am acam ÿalamaqte qagueta mayi selotague'. Ÿataqta qami' saq 'amaqtachi, qalaxayi ñi qadta'ai ÿataqta qami' ÿaÿamaxadeete' da qanhuañiÿau'a naq'en da l'onataxanaxac da ilo'ogue 'enauacna.

Qami' qaumijñi nam teguesanpi, namayipi sa ishit da danaxan, qataq sa ishit da daqataxan, qataq sa ishit da huo'o ca laponaxanaxaqui, qataq qaica ca ladetacnaxanaxaqui. Qalaqca da ñi Dios iqui'axaatac namayipi. ¡Qami', qalaxayi ÿacteec da qadashiichiÿaxaqui, sa ishit da qoñiÿa'am nam maÿopi!

Qaq ÿoqo'oyi sa ishit qome da qami' ÿaquicoqchi't da huo'otaq qanmichiitaique cam qonoqoi qataq cam qanÿomiigui.

Qaq da nachi 'eetec de'eda ñi Dios da n'otaxanaxan ana chochi huoue mayi huetauga nagui na n'onaxa, qaq qome nte' nachi qaÿavigaxat, qaÿasaxaigui aca nqatelaxanaxaqui, qaq ¡huá'aguectoxo' da nachi saq 'eetec da qoñiita mayi saq 'amaqtaq da qadpi'iÿaxaqui!

Cha'ayi qaica cam lataxac saq cha'a da huo'otaq sa qaila'a, qataq qaica cam qoÿoxottapiguiñi da huo'otaq sa qaÿaÿaten.