Popular Bible Verses from Juan 19

Share

Nachi so Jesús nÿomgui se'eso lataxa 'iuaxaic. Ime, nachi 'enapeco': –Nagui ime 'enauac nam qai'otpi. Huaña, nachi naqchiguiñi na lqaic, nachi ileu.

Qaq co'ollaq ime de'eda, nachi so Jesús ÿaÿaten da mashi ipacchigui 'enauac nam qai'axat co'ollaxa, da yaqto' ipacchiguilo naua nanettrañi n'aqtaqa. Nachi 'enapeco': –Huo'o na ÿaquip.

Nachi so Jesús co'ollaq ila'a aso late'e da nachattañi, nachi huaqta'ai' som lapaxaguenatac mayi ÿataqta lauotaxat, nachi 'enapego' aso late'e, 'eeta': –'Am 'alo, 'eda qome da 'ai'alec. Ime, qataq 'enapego' so lapaxaguenatac, 'eeta': –'Ada qome ada 'adate'e. Nachi chigoqchiguiña se'eso na'a'q da se'eso lapaxaguenatac ÿauegueu'a so lma' asomayi.

Qalaxayi co'ollaq qanqo'ona so Jesús, nachi qaila'a da mashi ileu, nachi sa ishit da qainoxo'n naua lchil. Qalaxayi so 'oonolec soua ale't, somayi i'adeu'a na laÿi somayi aso lataquiaxai, nachi anac so ltago'q qataq so 'etaxat.

Cha'ayi de'eda qanayiuaigui, damayi yi'oq, yaqto' ishit da ipacchigui da 'enapec naua nanettrañi n'aqtaqa mayi 'eeta': “Sa ishit qome da huo'o ca qainoxon naua lpi'inqa.” Qataq yi lÿa nanettañi 'eeta': “Ÿauaachigui qome nam i'adapec somayi.”

Qaq co'ollaq ime, nachi qanayicot so Jesús, maichi ÿachitac so npe'enaxaqui, da nqo'oneuga so 'alhua mayi qaÿamata'ac da nqaic lpi'inec lma'. Qaq nam hebreo naua l'aqtaqa ÿamata'ac Gólgota.

Nachi som allippi ÿanaxanaxangui na lqaic so Jesús aso l'onata ÿaxat, qataq qoÿanaxanaxanguilo soua anogo mayi ÿataqta nauedalguete na ltogaxa.