Qaq damayi sa ishit da huo'otaq lliualaqa'a, cha'ayi saÿajnaq da so Satanás ishit da chochi n'enaqchingui cam 'oonolec na lamaxashicpi ñi Dios mayi huo'o na l'edaxa. Qaq ÿoqo'oyi sa ishit da qalhuala'a da huo'otaq nam l'onataxanaxanecpi somayi da ishit da chochi n'enaqchingui da 'eetega da no'on cam i'ottac. Qalaxayi ca nhuaxanaguec namayipi ipacchigui qome 'enauac nam i'ottacpi.