Popular Bible Verses from Maluko 9

Share

Yesu yamugamba, “Unghadaha! Gose gakudahika ukwakwe yena dihuwi.”

Chimwande iBabakwe we mujelelo yuya yenula dijwi, yakugamba, “Nikuhuwila, nitase kusumigwa kuhuwila kwangu!”

Yakengile munyumba, awefusa wakwe hawamusa wemwene, “Nhani seye chisadahile kuilafa?” Hoyawagamba, “Digini difanile dino disikulawa kwa njila yoyose iya, ninga kwa mawombi du.”

“Umunyu muswanu; ninga umunyu unghasusuka, si munyu kahi wogumigwa choni ukolele? Muwe munyu mugati yenu, mukekale kwa digoya muwecho kwa wecho.”

“I munhu yanghachihokela chana chimwedu fina chino kwi sina dyangu, kanihokela niye; na imunhu yanghanihokela niye, yakumuhokela, si niye du, ninga ayuya imwene yanitumile.”

Kosoko wowose iyakumwinghani ichikombe cha meji, kosoko nyeye mwina disina dya Kilisito, chawelu; nikumutamilani, nghakuswela digelo dyakwe.”

“Ne munhu yakwenda yamugolose yumwedu wa wadodogi wano awanihuwile yagolose wihi, kagiligwa yohigwe ulwala musingo yakwe na kukubitigwa mubahali.

Na digiso dyako dinghakutenda ugolose wihi, ding'ole uditage! Ibeka kwingila kuundewa wa Mulungu kwina igiso dimwedu, kusuma kuwa na meso meli na kutagigwa kwi jehanumu.