Popular Bible Verses from Matayo 14

Share

Ninga yakone imheho hoyokogoha; hoyokonga kudidimila, hoyotula chowe, “Mundewa, nihonye!” Chimwandemwande Yesu hakagolola umukono wakwe, hakamukola, na kumugamba, “Agwe go we dihuwi dikefu! Nhani wowile na manhonge?”

Ninga yakone imheho hoyokogoha; hoyokonga kudidimila, hoyotula chowe, “Mundewa, nihonye!”

Chimwande Yesu hoyolonga, hoyowagamba, “Kiingheni moyo; No niye. Munghogohe.”

Petulo hoyomubidula, yakugamba, “Mundewa, nghona nogweye, nilonge uleke nije ukwako mumeji muchanhya.” Hoyomugamba, “Wije!” Petulo hoyohumuluka muchiya, hoyogenda kwa migulu mumeji kumulutila Yesu.

Nawo awowile muchiya howomufugamila howogamba, “Chawelu agweye no umwana we Mulungu!”

Yesu hoyowagamba, “Hechaka soko ya kuleuka, Wengheni nyeye chakudiya!” Howomugamba, “Chichaka chinhu hano ila mikate mishano na somba mbili du.”

Hoyogamba, “Nigalileni hano.” Hoyowalonga amatewa wekale mumbago: Hoyoilonda aiya imikate mishano na sisomba si mbili, hoyolanga kulanga, hoyoitasila mboto, hoyoibendula imikate iya, hoyowengha awefusa wakwe; awefusa howowengha amatewa.

Howodiya wose howokwiguta; howodondola ifibesu fye mikate fisigale, fisege ikumi na fili fimemile.