Popular Bible Verses from Yohana 15

Share

“Aniye no ni musabibu, anyeye no mumanhambi. Iyakwikala mugati yangu, na niye mugati yakwe, no yuyo iyakweleka mamudyo mengi, kosoko munghaniswela musikudaha kugolosa chochose.

Ikaleni mugati iyangu, na niye mugani yenu. Fina dinhambi fodisikudaha kweleka diimwene, ikuhanangigwa dikale mumusabibu, anye nanye nheifo musikudaha kweleka munghaleka kwikala u mwangu.

Munghekala umwangu, na simbuli sangu singhekala mugati yenu, taseni chochose chomukuhananga, na mukwenda mugoloseligwe.

Sinyeye mwanisagule, ninga aniye nonawasaguleni na kuwegala mulute mukeleke mamudyo na mamudyo genu gagendelele, uleke chochose chomukumutasa iBaba mudisina dyangu yamwingheni.

Kwechaka wendo mukulu kusuma uno, we imunhu kulafa uwumi wakwe kosoko ya wambwiya sakwe.

Chila inhambi idisikweleka, yakudileusa, na chila inhambi idikweleka mamudyo yakudihungulila uleke digendelele kweleka lugano.

Adino no dilagiso dyangu, mukiyende fina aniye fonimwendileni anyeye.

Kwa nheifo iBaba yakutunyigwa, kosoko mukweleka mamudyo mengi, mukiyonesa chawelu fina mwa wefusa wangu.

“Aniye no ni musabibu wa chawelu, na iBabangu no mulimi.

Imunhu nghona ngakwikala umwangu, yakutagigwa kunje kifana itambi na kunyala; na matambi gakulundigwa, na kukubititigwa mumoto na kusomigwa.

“Simbuli sino nisilonga ukwenu uleke ichinyemi changu chuwe ukwenu, uleke ichinyemi chenu chimemelekele.

Munghagakola amalagiso gangu, mwukwenda mugendelele kwikala mu wendo wangu, fina niye fonikolile amalagiso ga Baba na kwikala mu wendo wakwe.

Dilagiso dyangu nodino, mukiyende.”

Munghowa wanhu we chilunga, ichilunga chikumwendani kosoko mwawanhu wakwe. Ninga hanimusagulani kulawa muchilunga chino, anye mu si wanhu we chilunga; nochileka ichilunga chikuwasula.