Popular Bible Verses from Maqkul 13

Share

Ngaq nail aqmil bhaq da nee tsaol-aq iqsanl mail nul juq bhai neejiav jiav lal nail ngaol. Thail hai ngaol-aoq, daoq loi loi lai-u kev dai, ivq nail tsaol-aq neq, hevq kovq nail phaq ya nail ngaol” dai, ge bhiq-a nail ngaol.

Aq yanq al yanq khaq mao kev lee nail dai, nul juq maq heeq nia nail ngel-i mail, geeqlaoq hal nail lavqkhoel nee yaol phaol yaol phaol ail daonq yaoq.

Yu nul juq bhai hel aivq lavq khi aqyu juq nail aqlavq lavqkhoel bhai av bhiq-u phao, nul juq khal hai ya ge ya thail nail meeq dai, khaoq thaq laol. Aq yanq al lavqkhoel Miqyail nul juq bhai bhi ge bhi thail lavq nail khe-ai, ge yaoq thail yaoq. Khul khi mail dai ngal-aq neq, daoq ge nail gaq neq, nul juq maq ngel ail, Meeq nail Haol nail Aqhaqlal ngaol.

Nqtavq khi miltsaq peivq ail nail ngaol. Thail hai ngaol-aoq, ngaq nail daoq neq, maq peivq ail dei-eiq.

Tsaol-aq teevq gaq iqsanl aqn aqyanq al maq heeq nia-ail. Nqtavq gaqkhoel iqsanl, Tsaol-aq nail Yaqyov iqsanl maq heeq nia-ail. Aqbhu Miqyail taivq-ail heeq nia nail ngaol.

Aq jail bhai genl dev thail thaiq nail aqthel bhai maqkhaiq, eqyal bha genl dev nail bhai maqkhaiq, nul juq ya gaiq naol. Thail hai ngaol-aoq, thaq gee sil dei-eiq. Khul khi mail dai ngal-aq neq, al juq ya pevq lal nail ngaol. Al juq pevq lal khi ngaol-aoq, daoq loi loi lai nail yanq maq kev lal haq-al.

Al heel ngel-i mail, ilheel gaq kovq lal nail neq, nqkiv maq heeq, hul-iq tsil ma maq heeq, yavphoil doil lal-u phao maq heeq, nqhao phao maq heeq, khaq mao kovq kev lal nail dai, nul juq maq heeq nia nail ngel-i mail, aqgeel geel dai, jaol yaoq. Al hai maq ngel haq neq, aivq thaiq phuq dai kovq kev lal-u phao, nul juq iq thaiq thail thaiq nail bhai, aivq ya moel nail ngaol. ‘Aqgeel geel dai jaol yaoq’ dai, ngal nul juq bhai ge bhiq thail thaiq nail khe-ai, tsaol-aq iqsanl bhai gail ge bhiq thail thaiq nail ngaol” dai, Yeiqsul aqyu juq bhai ge bhiq-a nail ngaol.

Jeq-e teevq jeq-e khi mail teevq jeq-e, milkhaoq teevq khaoq khi mail teevq khaoq genl dev pheel jaq lal nail ngaol. Teevq dao nee teevq dao mil luv luv lal nail ngaol. Moevq nail sivq nail phaq iqsanl kev lee nail ngaol. Al juq pevq lal nail neq, haq dee aoq dee dee nail iqmoeq khe teevq-eel ngel-ai haq nail ngaol.

Thail hai ngaol-aoq, lavqkhiq tsail nail geeqlaoq daoq niil, jeq-e jaq-a iqsanl bhai iqmoeq ya cavq ail bhiq nail ngaol.

Khul khi mail dai ngal-aq, tsaol-aq mao dai ngaq nail aqmil bhai juq juq ail, ‘Ngal neq, Khali ngaol’ dai, yovqgavq bhai yovqgavq ge ge ail, tsaol-aq mao dai bhai hevq bheel aivq nail ngaol.

Nul juq aqmeeq-ai yaol phaol khi aqdoevq doevq yaoq. Nul juq bhai yu pheethaiq khi, yalkhaq dal duq bhai hel aivq lavq naol. Uqhuq thaoq nail ilkhaol lavqkhoel bhai yu nul juq bhai neeqtsaq-i mail jiivq nail ngaol. Nul juq ngal bhaq da nee, uv thaiq nail juq khi mail heeqphaq juq nail sivtavq bhai ya thul phaol lai khi, salkhil ya khanq lai naol.

Khul khi mail dai ngal-aq neq, mal dil Khali maq ngel nail juq dov lal naol. Miqyail nail haqbhoil ge dan naol dai, ge khi ngaol-aoq, mal dil maq ngel nail juq iqsanl dov lal nail ngaol. Khi kivq haq neq, tsel dov-ai thaq nail tsaol-aq bhai iqsanl hevq bheeq nail dai, aqyu juq noeq-u maq dov nail phaq khi mail bhi heeq bhi moel nail juq, nl daiq lavq nail ngaol.

Yeiqsul gaoq ge nail: “Haq dee aoq dee dee nail al jel ail-u phao, nlma nav tsee dai pevq-ail khi, bhala iqsanl aqbhaq maq bhaq dai, pevq-ail nail ngaol. Aqgil juq nqtavq nee ga kha lee khi, nqtavq khe bhaqaoq juq iqsanl luv luv dai, dao lal nail ngaol.