Popular Bible Verses from Maqkul 1

Share

Nqbhaq bhaq lal thao, Yeiqsul dov-ail khi, tsaol-aq maq jaol nail bha geeqlaoq hal ail-a nail ngaol.

Aivq ge nail: “Aq yanq tsaq lal-aoq nail ngaol. Miqyail Milkhaoq kev lee nail aqjail jail lal-aoq nail ngaol. Oeqbal noeq pov khi lavqkhiq tsail nail geeqlaoq daoq bhai neema thaq tsaol yaoq” dai, cavq bhiq-a nail ngaol.

Yeiqsul ulcuvq lavqkhoel nee dov lal-u phao, teevq pov taivq-ail nqtavq phao lal nail bhai maqkhaiq, Aqhaqlal Miqyail khaoq khoiq khe-ai aivq nail kovtavq bhai yavq kha lee nail bhai maqkhaiq, Yeiqsul ya moel-a nail ngaol. “Naol neq, ngal mail ma-ail gaiq-a nail, ngaq nail Yaqyov ngaol. Ngal naoq bhai neekhaol sil dee dee naol” dai, nqtavq nee mail aqthel meel dov-ai leevq-a nail ngaol.

Ngal nul juq bhai ulcuvq lavqkhoel bhai, ulcuvq saol bhiq nail ngaol. Thail hai ngaol-aoq, aivq neq, nul juq bhai Meeq nail Haol nail Aqhaqlal lavqkhoel nee, ulcuvq saol lavq nail ngaol” dai, ge bhiq-a nail ngaol.

“Ngaq nail haoqnao tsao thel lavq yaoq. Ngal nul nq nvq mail delgil nieivq nail khe-ai, tsaol-aq bhai hal pov kovq nail tsaol-aq bhi jiovq naol” dai, Yeiqsul aqyu nvq mail bhai ge bhiq-a nail ngaol. Aqyu nvq mail teevq pov taivq-ail ov jeel khaonq ha ail ceevq khi, Yeiqsul nail haoqnao tsao thel aivq-a nail ngaol.

Jil lal-a nail tsaol-aq juq, Yeiqsul-i mail cavq bhiq cov bhiq-a nail daoq bhai noeq-u maq dov dai, pevq ail-a nail ngaol. Khul khi mail dai ngal-aq neq, aivq neq, aoldaoq kovqdaoq cavq nail cov nail juq khe-ai, cavq bhiq cov bhiq-a nail maq ngel-ail. Bhaq aoq aol nail lavqkhoel nee cavq bhiq cov bhiq-a nail ngaol.