Popular Bible Verses from Maqthaiq 13

Share

Miltsaq mil meeq bhai ga ail-a nail aqiq dai ge nail neq, Miqyail nail daoq ya gaiq-u phao, gov heeq nia nail tsaol-aq bhai ge nail ngaol. Al heel nail tsaol-aq neq, aqheeq mal dil heeq lee nail ngaol. Teevq pav ga nav juq neq, teevq yal bhoil, teevq pav ga nav juq neq, kovq tsel bhoil, teevq pav ga nav juq neq, hail tsel bhoil dai, heeq lee nail ngaol” dai, ge bhiq-a nail ngaol.

Aq goe goeyal bhai ga ail-a nail aqiq dai ge nail neq, Miqyail nail daoq ya gaiq khi ngaol-aoq, miltsaq bhai jaol-u phao, khaoqlaol nail phaq khi mail, phul heel ildaoq maoqgaiq bhai lavqkhiq tsail nail phaq neq, daoq al daoq bhai uv thaiq-ai thaq nail ngel-i mail, aqheeq maq heeq lee nia nail tsaol-aq bhai, ge movq nail ngaol.

Gailkhaol kovtavq bhai ga-ai thaq nail aqiq dai ge nail neq, tsaol-aq teevq gaq Miqyail Milkhaoq nail ganl ya gaiq khi maq gov heeq nia haq neq, haqeiv nail gaq lal khi aivq nail neema lavqkhoel bhai haiq-ai thaq nail aqiq bhai gov ha gil nail bhai ge movq nail ngaol.

Lovmav lovyal bhai ga ail-a nail aqiq dai, ge nail neq, Miqyail nail daoq ya gaiq-u phao, teevq pov taivq-ail lavqkhiq tsail nail lavqkhoel nee hav bhoel-a nail tsaol-aq bhai ge movq nail ngaol. Thail hai ngaol-aoq, daoqtsail maq kha ivq ail-a nail ngel-i mail, teevq yanq maq ngel nail neq, maq doevq nia-ail. Daoq al daoq bhaq da nee, haq nail aoq nail phaq khi mail khoeq nail jiovq nail phaq kev lee-u phao, teevq pov taivq-ail khaonq ha gai aivq nail ngaol.

Yeiqsul gaoq ge nail: “Nqtavq Milkhaoq neq, daiyal bhai duq pheeq-ai thaq nail aqphoiq mao ail kav nail phul phul duq khe-ai dul nail ngaol. Phul phul duq bhai moel-a nail gaq gaoq duq pheeq ail ceevq khi lavqkhiq tsail dee dee nail lavqkhoel, aivq khal jiav nail iqsanl gaoq ha khi, daiyal al khoeq bhai ul nail ngaol” dai, ge bhiq-a nail ngaol.

Thail hai ngaol-aoq, aqiq teevq pav ga nav juq neq, miltsaq mil meeq bhai ga ail khi aqheeq heeq lee-a nail ngaol. Teevq pav ga nav juq neq, teevq yal bhoil, teevq pav ga nav juq neq, kovq tsel bhoil, teevq pav ga nav juq neq, hail tsel bhoil dai, heeq lee-a nail ngaol.

Gov gaiq nail yanq kev lal-u phao kev dai, nvq phaq nvq phaq ail bhi eeq lal yaoq. Gov gaiq nail yanq kev lal haq neq, hubhil bhai iqmoeq gaiq khi miqjaq bhai bavq poiv kivq dai, aqjeeq jeeq thaq-ai yaoq. Gov bhai neq, ngaq nail govjil bhai phi bhoel thaq-ai yaoq dai, gov gaiq nail juq bhai ge bhiq naol’ dai, ilheel gaq ge nail ngaol” dai, Yeiqsul aqyu juq bhai ge bhiq-a nail ngaol.