Popular Bible Verses from Lulkavq 5

Share

Yeiqsul cavq bhiq cov bhiq gaq khi, Sil moq bhai ge bhiq-a nail: “Ulcuvq navq nail dao bhai jiiv bhoel ail khi, delgil miv lal dai nul juq nail ov jeel joe yaoq” dai, ge bhiq-a nail ngaol.

Sil moq ge nail: “Heeqphaq-ol, nv juq milkiv teevq kivq kivq lao joe khi ngaol-aoq, teevq maol iqsanl, maq joe miv-al. Thail hai ngaol-aoq, naol khoel nail bhaq da nee, joe naol” dai, ge bhiq-a nail ngaol. Aqyu juq al hai joe-u phao, delgil mao dai phee lai-a nail ngel-i mail, aqyu juq nail ov jeel pav ail nail khe-ai, pevq lal-a nail ngaol.

Yeiqsul neq, aivq teevq gaq taivq-ail tsaol-aq maq jaol nail bha geeqlaoq hal ail-a nail ngaol.

Tsaq nail daol nail tsaol-aq bhai khul nail khi, ngal lee-a nail maq ngel. Oeqbal yaq, yovqgavq nail oeqbal noeq pov lal dai, khul nail dai khi, ngal lee-a nail ngaol” dai, ge kovq bhiq-a nail ngaol.

Sil moq Bheiqtuvluv al bhai ya moel-u phao, Yeiqsul nail aqkhil daoqthaoq bhai peevqceevq kovdoiq doiq khi, “Heeqphaq-ol, ngal jaol nail nee dov-ail yaoq. Ngal neq, oeqbal eeq dee dee nail tsaol-aq ngaol” dai, ge bhiq-a nail ngaol.

Yeiqsul aqyu juq bhai ge bhiq-a nail: “Jaol hal dov nail tsaol-aq, ja gaq coev nail saq laq maq loq-ail. Nal nail tsaol-aq taivq-ail loq nail ngaol.

Aqyu juq neq, laovq ngaqkha lavqkhoel nee he dol lavq khi, iqsanl bhai khaonq ha ail ceevq khi, Yeiqsul nail haoqnao tsao thel aivq-a nail ngaol.

Yeiqsul meenq teevq meenq nail lavqkhoel bhai jaol-u phao, aqmaol maol lao ail niaoqbhaoq daol nail teevq gaq, a bhai jaol nail ngaol. Aivq Yeiqsul bhai moel-u phao, maivphaoq miltsaq bhai gaol beiv khi, “Heeqphaq-ol, naol nl movq haq neq, ngal meeq lal haol lal dai naol nl nia nail ngaol” dai, hal-a nail ngaol. Yeiqsul aqlavq gaol tsaoq khi, aivq nail kovtavq bhai bavq dav khi mail: “Ngal nl movq naol. Meeq lal haol lal yaoq” dai, ge bhiq-a nail ngaol. Aivq teevq pov taivq-ail niaoqbhaoq daol nail al, peivq gil ail-a nail ngaol.

Thail hai ngaol-aoq, Yeiqsul nail ganl iqmoeq-u nee maq tsil gaiq doi ail-a nail ngaol. Al heel ngel-i mail, tsaol-aq munl munl ma juq aivq nail daoq nal daiq nail khi mail, aqyu juq nal nail goel nail juq bhai bhi lav meeq nail khi, jil lal-a nail ngaol.