Popular Bible Verses from Yaolhaq 19

Share

Yeiqsul neq, aqtsel tsel dee dee nail aqheeq tsilju nail ullul al daol gaq-al nee ngal-aq neq, “Ganl nl gil-aoq nail ngaol” dai, ge khi, uqhuq ga movq lee khi mail aqhaq ceiv-a nail ngaol.

Niil thal khe pov neq, yaoq phaq yaoq-ao nee bhee lal gaq-ao nail ganl, Yeiqsul heeq nia nail ngaol. Jal liq lavqkhoel bhai gevq-ai thaq nail khe-ai bhee lal dai, “Ulcuvq moevq-il” dai, Yeiqsul ge nail ngaol.

Yeiqsul neq, aivq nail aqma khi aivq mail ma-ail gaiq-a nail yaq laol al gaq, a bhai thul phaol nail bhai ya moel-u phao, “Aqma-ol, aivq bhai naoq nail yaq khe-ai saol-nvq yaoq” dai, ge bhiq-a nail ngaol. A bhai nee ngal-aq, yaq laol al gaq bhai iqsanl, “Aivq naoq nail aqma khe-ai, saol-nvq yaoq” dai, ge bhiq-a nail ngaol. Aq-u n-gaol nee ngal-aq, yaq laol al gaq Yeiqsul nail aqma bhai hevq kol-aivq khi, aivq nail ilkhaol bha bhi jaol-a nail ngaol.

Genl dev nail juq, Yeiqsul nail aqjail bhai kev lee-u phao, Yeiqsul neq, sil ceiv-aoq thaq nail bhai ya moel khi, aqkhil maq deeq khoi dai, khaonq-a nail ngaol. Thail hai ngaol-aoq, genl dev nail teevq gaq-i mail Yeiqsul nail aq bhail bhai geeq khaoq-i mail coev khi, aqsivq khi mail ulcuvq teevq pov taivq-ail il dol leevq-a nail ngaol.

“Aivq nail haqeeq teevq khaoq iqsanl maq ya khoi ail” dai, Jal liq lavqkhoel bhai gevq-ai thaq nail daoq al daoq bhee lal dai, al hai pevq lal-a nail ngaol. Jal liq lavqkhoel bhai teevq dao gaoq gevq-ai thaq nail: “Aqyu juq-i mail geeq khaoq-i coev-a nail tsaol-aq al gaq bhai, aqyu juq hel daiq nail ngaol” dai, gevq-ai thaq nail ngaol.

Yeiqsul aivq nail lavqyavq bavq khi, Uqcov dai khul nail jaol duq bha lai kev-a nail ngaol. Jaol duq al dao bhai, Heiqbhail daoq neq, Gaollaqgaoldav dai, khul nail ngaol.

Genl dev nail juq aqgoe aq jiav-i mail heel uq tsaoq khe-ai jievq khi, aivq bhai nieivq tsaoq bhiq-a nail ngaol. A bhai nee ngal-aq, nel nav nav nail heeqphaq nail phailkhaoq heelma nieivq doi bhiq-a nail ngaol.