Popular Bible Verses from Yaolhaq 15

Share

Ngal neq, aqheeq tsilju nail aq jiav daoqthaoq ngaol. Nul juq neq, lavqmeiv ngaol. Khaq sil gaq maqkhaiq, ngaq bhai covq cavq khi, ngal iqsanl aqyu juq bhai covq cavq nail gaq neq, aqheeq mao dai heeq lee nail ngaol. Ngaq bhai maq covq cavq haq neq, nul juq khul teevq phaq iqsanl, maq nl nia-ail.

Ngaq nail lavqkhoel bhai jaol yaoq. Ngal iqsanl, nul juq nail lavqkhoel bhai jaol naol. Lavqmeiv juq neq, aq jiav daoqthaoq bhai maq covq cavq haq neq, aqyu juq bhai aqyu juq aqheeq maq heeq lee nia nail khe-ai, nul juq iqsanl, ngaq nail lavqkhoel bhai maq jaol haq neq, aqheeq maq heeq lee nia-ail.

Nul juq ngaq nail lavqkhoel bhai jaol khi, ngaq nail daoq nul juq nail lavqkhoel bhai aol haq neq, nul juq khal hal movq nail phaq hal yaoq. Khal hal nail phaq ya nail ngaol.

Nul juq-i mail ngaq bhai tsel-a nail maq ngel-ail. Ngaq-i mail nul juq bhai tsel-a nail ngaol. Nul juq ail khi, aqheeq heeq lee nail nee ovqtavq, aqheeq al ivq dao dai pevq lal nail haqbhoil, ngal nul juq bhai tsel dov-ai thaq nail ngaol. Al heel ngel-i mail, ngaq nail aqmil lavqkhoel nee, nul juq hal nail phaq, Aqbhu Miqyail nul juq bhai bivq lavq nail ngaol.

Yovqgavq nail aqtsaoq nail haqbhoil sildan nail nee maq tsil eeq jaiq nail goil nail gaiq-a nail phaq, maq jiav yaoq-aol.

Aq heeq maq heeq nail ngaq nail lavqmeiv juq bhai, aivq he dil bhiq nail ngaol. Aq heeq heeq nail lavqmeiv juq bhai neq, gaoq bhi heeq jaiq lee nail dai khi, aivq ganl maq tsoiq nail lavqmeiv meiv yaq juq bhai thaiq ha nail ngaol.

Nul juq bhai daoq niil daoq bivq nail ngaol. Ngal nul juq bhai gaiq-a nail khe-ai, nul juq iqsanl, teevq gaq nee teevq gaq gaiq-a yaoq.

Nul juq aqheeq mao dai heeq lee nail bhai hel daiq khi, ngaq nail Aqbhu nail seiqleiq khaoqsail bhai yu ya moel nail ngaol. Aq-u phao, nul juq ngaq nail yaq laol pevq lal-aoq nail ngaol dai, ge kivq nail ngaol.

Yeiqsul gaoq ge nail: “Ngal neq, mal dil aqheeq tsilju nail aq jiav daoqthaoq ngaol. Ngaq nail Aqbhu neq, gaoqkhail lav sav nail aqheel ngaol.

Ngaq bhai maq khal covq cavq nail tsaol-aq neq, miltsaq bhai ga ail khi gee lai nail lavqmeiv khe-ai dul nail ngaol. Al heel nail lavqmeiv juq bhai govjil khi, miqjaq jaibhoil bhai gov poiv khi, kheq ha nail ngaol.

Ngaq nail lavqkhiq tsail nail phaq, nul juq nail lavqkhoel bhai aol khi, nul juq lavqkhiq tsail nail phaq bhee lal dai, nul juq bhai ngal niail hai ge bhiq nail phaq pevq nail ngaol.

Ngaq nail Aqbhu nail daoq bhai ngal nal daiq khi, ngaq nail Aqbhu nail goil nail gaiq-a nail lavqkhoel bhai ngal jaol nail khe-ai, nul juq ngaq nail daoq bhai nal daiq haq neq, ngaq nail goil nail gaiq-a nail lavqkhoel bhai, nul juq jaol nail ngaol.

Ngaq-i mail nul juq bhai bivq nail daoq neq, niail hai ngaol; Nul juq teevq gaq nee teevq gaq, gaiq-a yaoq” dai, ge bhiq-a nail ngaol.

Nul juq miltsaq niil niai tavq haq neq, miltsaq yaq niil nul juq bhai aivq nail yaq khe-ai gaiq-a lavq nail ngaol. Thail hai ngaol-aoq, miltsaq niil nail lavqkhoel nee nul juq bhai ngaq-i mail tsel dov gaq-ai thaq nail ngaol. Miltsaq niil niai nul juq maq tavq yaoq-aol. Al heel ngel-i mail, miltsaq yaq juq nul juq bhai neejiav jiav nail ngaol.