Popular Bible Verses from Gaqkhoel 2

Share

Bheiqtuvluv aqyu juq bhai ge bhiq-a nail: “Miqyail nul juq nail oeqbal phaiq nia dai, nul juq yaoq gaq yaoq nee, oeqbal noeq pov khi, Yeiqsul Khali nail aqmil kov-uvq nee ulcuvq saol yaoq. Al hai nl haq neq, nul juq Miqyail-i mail bivq-ai leevq-a nail kovpavq, Meeq nail Haol nail Aqhaqlal ya naol.

Tsaol-aq al juq neq, gaqkhoel juq-i mail cavq bhiq cov bhiq nail daoq nal daiq nail nee ovqtavq, teevq gaq nee teevq gaq aqtsaoq tsaoq nail ngaol. Aqyu juq jaq tavq daol tavq nail nee ovqtavq, geeqlaoq hal nail ngaol. Aqyu juq khaq mao iqsanl al juq nl nail ngaol.

Aqyu juq iqsanl mail, Meeq nail Haol nail Aqhaqlal bhee lal khi, Aqhaqlal Miqyail-i mail bhi ge bhi thail-a nail khe-ai, mee nia phaq nail daoq ge-a nail ngaol.

Aq-u phao, lilmoel lil ma bhoe nail khe-ai teevq pov taivq-ail, nqtavq nee mail aqthel meel dov-ai leevq-a nail ngaol. Aqyu juq-i mail jaol deel-nvq thaq nail ilkhaol il lao lao ail aqthel al meel bhee ail-a nail ngaol. Aq-u phao, aqyu juq moevqlal khe-ai dul nail miqjaq miqlail bhai ya moel-a nail ngaol. Miqjaq miqlail al juq neq, bhoil-ai thaq khi, yaoq gaq yaoq-ao nee nail kovtavq bhai naq lai khi, jiav nail ngaol. Aqyu juq iqsanl mail, Meeq nail Haol nail Aqhaqlal bhee lal khi, Aqhaqlal Miqyail-i mail bhi ge bhi thail-a nail khe-ai, mee nia phaq nail daoq ge-a nail ngaol.

Aqyu juq yaoq n yaoq n nee mail uqhuq thaoq nail ilkhaol il ma bhai teevq gaq khe-ai jil lai nail nee ovqtavq, aqyu juq nail neema nee nuq nee beiv aol khi ilkhaol bhai lavqkhiq tsail dee dee nail lavqkhoel, jaq tavq daol tavq nail ngaol. Aqyu juq Miqyail bhai tsiq eeq nail ngaol. Tsaol-aq iqsanl mail aqyu juq bhai neekhaol sil nail ngaol. Hevq kovq nail phaq ya-a nail tsaol-aq juq, teevq n nee teevq n aqyu juq nail munl lavqkhoel bhai bhi mao lal dai, Miqyail nl-a nail ngaol.

Yaol-illav ge nail: ‘Miqyail-i mail ge-ai thaq nail daoq neq, daoq loi loi lai nail aqn aqyanq lavqkhoel, jeq-e jaq-a iqsanl nail miltsaq bhai, ngal ngaq nail Aqhaqlal hoel dav bhiq naol. Nul juq nail yaqmiq yaqyov juq, Miqyail nail haqbhoil ge dan naol. Nul juq nail malyov yovkhaoq juq aqhaqlal lavqkhoel nee ya moel naol. Nul juq nail joiqmaoq juq iqsanl, nv mav mav moel naol.

Yeiqsul bhai neema thaq tsaol nail tsaol-aq iqsanl mail teevq munl taivq-ail munl khi, nlmaoq iqsanl mail teevq gaq khe-ai yuq-a nail ngaol. Aqyu juq yovqgavq nail nlmaoq juq gaoq khi, loq nail tsaol-aq juq bhai bhoil bhiq-a nail ngaol.

Aq-u phao, Heeqphaq Yeiqsul bhai khal hal nail yaoq gaq yaoq-ao nee bhai, Miqyail hevq kovq bhiq naol’ dai, Yaol-illav ge-ai thaq nail ngaol.

Seiq leiq khaoqsail eeq dee dee nail Heeqphaq Miqyail nail aqn n-gaol, miltsaq bhai maq kev lee-u nee mail, nlma nav tsee dai pevq-ail khi, bhala iqsanl aqsivq khe-ai, nel lal naol.