Popular Bible Verses from Римлыларга хат 3

Share

чөнки барысы да гөнаһ кылдылар һәм Аллаһының даныннан мәхрүм калдылар. Барысы да Аллаһы мәрхәмәте белән үзләрен йолып алучы Мәсих Гайсә аркылы Аллаһының аклавын бүләк итеп алалар.

Аллаһының кешене иман аша аклавы Гайсә Мәсихкә иман итүчеләрнең барысына да бирелә. Кеше белән кеше арасында аерма юк

Аллаһы Гайсәне кичерелү алып килүче корбан итеп билгеләп куйды. Бу кичерелү Гайсәнең каны аша иман итүчеләргә бирелә. Шулай эшләп, элек кылынган гөнаһлар өчен җәза бирмичә, чиксез сабырлык күрсәтеп, Ул Үзенең хаклыгын раслады. Шулай итеп, хаклыгын хәзерге вакытта да күрсәтә: Ул Үзе хак һәм Гайсәгә иман итүчеләрне аклый.

Канун таләпләрен үтәү белән Аның каршында беркем дә акланган булмас бит. Канун аркылы гөнаһыбызны төшенеп таныйбыз гына.

Изге язмада язылган бит: «Бер тәкъва кеше дә юк, бер генә дә. Акылга ия беркем дә юк, Аллаһыны эзләми беркем дә. Һәммәсе юлдан язган, бердәй бозылган; игелек кылучы күренми, берәү дә юк».

Без бит кешенең Канунны үтәүгә бәйсез рәвештә иман белән Аллаһы тарафыннан аклануын раслыйбыз.

Һич тә алай түгел! Һәр кеше ялганчы булса да, Аллаһы хак, Үз сүзенә тугрылыклы. Аның турында Изге язмада язылган бит: «Гаепләү сүзләрең хаклыдыр, хөкемгә тартканда Син җиңәсең».