Popular Bible Verses from Исаија 42

Share

Јас, Господ, Те повикав во правда, цврсто ќе Те држам за рака и ќе Те пазам, ќе те поставам за завет на народот, светлина за незнабошците, за да им ги отвориш очите на сле­пите, да ги изведеш врзаните од затвор и оние што седат во темнина – од тем­нината.

Јас сум Јахве, тоа е Моето име, и не­ма да ја дадам славата Своја на друг, ни­ту честа Своја на идоли.

Еве го Мојот Слуга, Кого Го поддржувам, Мојот Избраник, љубимецот на душата Моја. Ќе Го по­ложам Духот Свој врз Него, и Тој ќе им донесе правда на народите

скршената трска нема да ја здроби, и чадливата ламба нема да ја угасне; ќе суди според вистината; нема да ослабне, ниту ќе изнемошти, додека на земјата не воспостави правда, народите ќе се надеваат на Неговиот закон.

Ќе ги поведам слепите по пат, што тие не го знаат, ќе ги водам по нејзини патеки, темнината ќе ја претворам во светлина пред нив, а кривите патеки – прави: ете, што ќе направам Јас за нив, и нема да ги оставам.

Ете, претскажаното порано се збидна, и ново ќе ви објавам; пред да стане тоа, Јас ќе ви го објавам.