Popular Bible Verses from Mattá 10

Share

Gósh dárét! Man shomárá rawána kanán, bale shomá anchosha bét ke gorkáni nyámá pas. Paméshká máráni dhawlá hozzhár o kapódaráni dhawlá sádah bebét.

Chéá ke, agan kasé wati sáhay dáragay johdá bekant, áiá báhénit, bale kasé ke pa manigi wati sáhá báhénit, áiá rakkénit.

Cha áyán matorsét ke jesm o jáná koshta kanant, bale sáh o arwáhá koshta nakanant, cha hamáiá betorsét ke jesm o ján o sáh o arwáh, doénán dózhá dawr dát o bérán korta kant.

Kasé ke wati salibá baddhá makant o mani hamráh mabit, á ham maná nakarzit.

Harkas mardománi démá maná bemannit, man ham wati ásmáni Petay démá áiá mannán, bale harkas mardománi démá maná mamannit, man ham wati ásmáni Petay démá áiá namannán.

Nádráhán dráh, mordagán zendag, garrián pák o sallah bekanét o cha mardomán jennán dar bekanét. Shomárá moptá rasetag, moptá ham bedayét.

Paméshká matorsét, shomay kadr o arzesh cha sajjahén jenjeshkán géshter ent.

Gomán makanét ke man donyáyá tepáki o sohlay áragá átkagán, pa sohl o tepákiá nayátkagán, gón zahméá átkagán.