Popular Bible Verses from دَرگوَز 2

Share

هُدایا آیانی نالَگ اِشکتنت و وتی هما اَهد و پئیمانئے ترانَگا کپت که گۆن اِبراهێم و اِساک و آکوبا بَستگ‌اَتی. هُدایا اِسراییلی دیستنت و آیانی سرا بَزّگی بوت.

ماه و سال گوَستنت و همے نیاما مِسرئے بادشاه مُرت. اِسراییلی چه وتی گُلامیا نالَگ و پِریاتا اَتنت. آیانی اے نالَگ و پِریات بُرزاد شت و هُدایا سر بوتنت.

چُکّ که رُست و کمّے مستر بوت، ماتا پِرئونئے جنکّئے کرّا آورت. پِرئونئے جنکّا چُکّ زرت و وتی چُکّ کرت. آییئے نامی موسّا کرت، گوَشتی: ”اے من چه آپا کَشِّتگ.“

پِرئونئے جنکّا گۆن آییا گوَشت: ”اے نُنّکا گۆن وت بر و په من مێچێن. من تئیی مُزّا دئیان.“ جنێنا نُنّک زرت و مێچێنت.

پِرئونئے جنکّ جانئے شۆدگا نیلّئے کئورا آتک. مۆلد نیلّئے کئورئے کرّا گَردگا لگّتنت. پِرئونئے جنکّا کاشانی نیاما سَپْت دیست و وتی مۆلدے راهی دات که سَپْتا بیار. آییا آورت.

وهدے موسّا رُست و مزن بوت، یکّ رۆچے وتی مردمانی کرّا شت و آیانی بیگاری و گرانێن کاری دیستنت. موسّایا مِسریے دیست که اِبرانیێا، بزان چه موسّائے جندئے مردمان یکّێا جنَگا اَت. موسّایا وتی چپّ و چاگرد چارت و دیستی که کَسّ نێست. گڑا مِسری‌ای کُشت و رێکانی تها کَلّ کرت.