Popular Bible Verses from Malako 9

Share

Nu Yesu amutendile bune, Ndi una­vuama! Bunsania bunakulungana ku wozo wakatizia.

Kazanga kongo isi wa wozo muana alalukile, nu atendile bune, Nakatizia, nkasie ku kutakatizia kuane.

Nu geingide mu numba beigisibua bage ba­muvuilide ku lumbisombiso, Kubuni tatuavuamine kumutikia? Nu abatendile bune, Bubuno tabunamoneka tugu kute ku kusega.

Munkange uli musoga; tondo ndi munkange taguli na nse lingo, gunasuagibua na kikizi? mube na munkange mu muli, nu mube na bubobelelo bueinyu bueinyu.

Na muntu na muntu wasekela muana muto anga wono muizina liane, nti ansekela: nu wozo wansekela nti ntansekela, tondo nti asekela wozo wansingile.

Kubuno unsania ukamunusagia kituma kia mazi ma kunua, kubuno muli bantu ba Klisto, lebelebe nkumutenda buno, ntakaziminua na lukalilo luage lusoga.

Nu unsania ukeinagia umozi wa ku babano bana bato bakunkatizia mutima, buatunganana akandue ikozi lia kugoga muikosi liage, nu kuisoa mu kitatenge.

Nu ndi liso liobe liakuinia mutima, nti walitikia, gunulumba wingila mu bukota bua Kalaga na liso limozi kutinga kuba na meiso mabili nu kutumbua mu kiziba kia keiya