Popular Bible Verses from Luka 8

Share

Tondo zezo zakolokile mu bisogo bisoga, zili anga bantu beli na mitima za bulili nu misoga, nu gabekungua kuidagi lilino, nti balikokomezia, nu bekukolama na komanizia.

Nuzo zakolokile mu mikele, ubabo bongule ku lilio idagi, nu bekuenda nu bababazibua na tubebe nu bugumi nu mbogimbogi za kalamo kakano, nu tabakukolama biguma biazindi­lila.

Nu babo beli gantata ga luanda, ubabo bekungua, bekusekela lilio idagi na mbogimbogi; nu tabeli na mizi, bakukatizia ku nkungu nkeke, nu bekukindua ku nkungu za malindiko.

Nu ababuzizie buno, Bukatizio bueinyu buli kuni? Nu bakule boba, nu bangamine, batendeine buabo buabo bune, Wono eli nazi, aba kisoa nu mazi nti bikumuanza?

Nu babo beli mu ntungo mua nzila ubabo bekungua; nu Liabo, u Satana, nti avua kutikia lilio idagi mu mitima zabo buno banavua kukatizia nu konibua.

Kubuno takuli kena kabisilue, katakabisulua; nu takuli katendagua ku kakungu, katakongubuako.

Nu gamenyine wozo mukikulu buno ntabisama, avule ekuvua agilimina, nu aguide lisa nage nu amusa­mbalide bubo bunsania buitubizagia kueli nu ku bantu bansania nu lukita lonibua kano kazanga. Nu Yesu amutendile bune, Mukinga wane, bukatizio buobe buakuonia; enda na bubobelelo.

Nu bamuendeide, nu bamuyukizie, batendile bune, Mukota, Mukota, tuakua. Nu ayukile, nu azugide kisoa nu bimpumi bia mazi; nu biasilile, nu kuolile nunse.