Popular Bible Verses from Luka 6

Share

kasanazi, nuinyue muakasue; kilindiko kiyala, kiatutubizibua, kiatengezibue, kiakubukile, bantu bamukase ga bibelo bienyu. Kuko kumukulindika ukuko kumukalindikua.

Muntu musoga muisuku lia mutima wage mukutuka bitondo bisoga; nu muntu mubi muisuku lia mutima wage mubi mukutuka bitondo bibi: kubuno buku­kengela mutima nti ubukutenda kanua.

Tondo tundazi bamusomba, nu bakitilazi busoga nu kubambia, tamule­manine buno bamulige; nu mutali weinyu wabe munene, nu muabe bana ba Wozo Uli Muigulu; kubuno eli na kiombo ku bantu bata­kumusima nu babi.

Mube na kiombo, anga buli Soinyue na kiombo.

Tamusungie; buno munavua kusungibua; tamu­kande, buno munavua kukandua: sigililazi, nuinyue muasigililue

Tondo nkumubula inyue bekungua; Tundazi babo bamu­somba, nu kitazi busoga ku babo bekumusomba. Kitazi babo bekumusuilila mponga, nu segelazi babo bekumulinga.

Nu anga bubo bumukutunda bantu kumukitila, ububo nuinyue bumubakitila.

Nu wozo wakulibula lugizi kuitama mugalukizie lio lingo; nu wozo wakutikia ikoti lia gantata, nti wamukasa lia munda. Kasa na muntu na muntu ukukusega; nu wozo ukukunyaga biobe ntumu­buziebio lingo.

Kubuno takuli muti muso­ga unakolama biguma bibi: aba muti mubi kukolama biguma bisoga.

Kubuno muti na muti ukumenyua ku biguma biago. Kubuno bantu tabanakola biguma bia figi ku muti wa mikele, aba kukola biguma bia mizigi ku mikele.