Popular Bible Verses from Yoane 15

Share

Emi nko bokoli bona vina, ino nko bitange; ende onoyali eneyal’emi nko njalama, ko emi eneyal’ende, ende aota bemamo bike; lacin’oka yombo boalana l’emi bofakambisa ekambwa emoko.

Bomboyala eneyal’emi, ko emi eneyal’ino; yoka bosambo bonofotisa etange bemamo, ehoamene kei, yengoko eho eoyaela en’okoli bona vina: nk’osamb’oho l’ino, yengoko ino boyaela eneyal’emi.

Yomb’ino boyaela eneyal’emi, ko baoyi’anami baoyaela en’etem’enino, bongufola yoi lin’etaketaka linalang’ino, ko liho lingilama eneyal’ino.

Ino botanson’emi: emi kongosonak’ino, ko nkotomaki lacina bocu, boyote bemamo, ko bemamo’enino beyalame nko njalama; lacin’eho yoi lin’etaketaka lin’ufol’ino Bafango ena lina linami, akofe.

Efan’oto onoyali la nganji eneleki ene, nko boto aambya liiko lonande lacin’ena bifili binande.

Etange l’etange eneyali eneyal’emi enefote bemamo, aumol’eho; ko akula etange l’etange enot’emamo, lacina eote bemamo la mpula.

Boeka bonami nd’one: bokana nganji, yok’onoki’m’okookak’ino nganji.

Yomb’ino boot’emamo bike, Bafango’onami angokumyama la yoi liho, ko ino bongoyala bakili’anami.

Emi nde nde bokoli bona vina bona solosolo, ko Bafango’onami ayali Mene lisala lina bekoli.

Yomb’oto afayale eneyal’emi njalama, ende aokama yok’etange, ko aonyelala, ko baosusanya biho, ko baofusa biho ena nkoi, ko biolika.

Mokosumol’ino baoyi’ane lacin’eho ekiko enami eyalame eneyal’ino njalama, ko lacina ekiko enino efule nko mpula.

Yombo bomonya beeka benami, bongoyala ena nganji enami, yok’onoki’m’omonyaka beeka ben’afango’onami, ko njomboyala ena nganji enande.

Lakof’ino beeka bene: bokana nganji.

Yomb’ino bomoyala bana-loko, tumbe bato bana loko bamoka baniyoamene nganji; ohonde enefayal’ino bana-loko, eneki’m’okosonolak’ino ena loko, nko lacin’eho, baise loko bakook’ino bowe.