Popular Bible Verses from Matai 10

Share

Tala, mono fidisa beno bonso mameme nakati na bambizi ya makasi, sambu na yai, beno vanda na ngangu bonso banioka ye konda luvunu bonso mayembe.

Yandi ya keba moyo ya yandi tavidisa yo; ya vidisa moyo ya yandi sambu na mono tamona yo.

Tita ve bau ya kufwa nitu kansi bau lenda ve kufwa mwela, kansi luta kutita yandi ya lenda kufwa mwela ye nitu mu bilungi.

Yandi ya baka kulunsi ya yandi ve, ye landa nanima na mono, ikele kulunga na mono ve.

Sambu na yai konso muntu ya ndima mono nantwala ya bantu, mono mpe tandima yandi nantwala ya Tata ya mono ya ikele mu zulu. Kansi konsonani ya buya mono nantwala ya bantu, mono mpe tabuya yandi nantwala ya Tata ya mono ya ikele mu zulu.

Belula bambevo, fulukisa bafwa, vedisa bankwa bwazi, basisa bampeve mbi. Beno imene kubaka ya matabisi, beno pesa ya matabisi.

Sambu na yai, tita ve. Beno luta tundeke mingi mu ntalu.

Banza ve, na mono kwizaka kutwala yenge va ntoto; mono kwizaka ve kutwala yenge kansi mbele ya mvita.