Popular Bible Verses from Matayo 6

Share

Ino, peta dukani Bokumu boNjambe na bodongo bonde, nongo osɛni leka lu losusu pongono.

Oko boa, t’okakwaneni oko a mojɔ mopuma. Kinani puma etombe muna mopuma. Monɔngɔ mobusa bu mobwani na busa bu.

A mojɔ momina, mbi nabalaka na nu bo otakakwanani nongo a mojɔ momohelo monu, a mojɔ moboyaka na bomwaka na elwaeli enu. Na mohelo na mia, edi boso nde, te mohelo? Na mokuku na bisenja, edi boso nde, te nɔokuku?

Wɛ ko, oka’nga Njambe, kwea a tei endako ewɛ, dipa modipe mowɛ, na inga Njambe a libombi. Sangwao yona onekɛ a libombi âda na likabo ai wɛ.

Obwanini bonga Njambe na ekɔmɛli ye; Sangwa’su yona odi a Diko; Yɛ kombe ewɛ esumame; Yɛ Bokumu bowɛ bodoe; Yɛ bolulea bowɛ bokɔɔme ya nase o akɔɔmɔkɔ bo a Diko.

Bopa so busa bu milɛmbɛ mia mibwani.

Boyɛ so nongo jisu ai wɛ o ayɛkɛ so baya badi na nongo ai so.

Bambeja so a njea ebomeka. Heleja so ko a bobe Bokumu bodi ai wɛ, na ndangasa, na ekumu, oko na bosusu. Amen .

Ino okayɛni bato jibe jibu, Sangwa’nu adi boyɛ no pongono.

Anjani mbulu badiko; te banake gbie, te bajuake, te baboleake leka a ndako, Sangwa’nu ko yona odi oho Diko ababɔ kɔkɔ. Na no na mbulu, banɔi na bobuno nda, te no?

T’ohɛjeni oko leka loyumu lonɛnɛ a mojɔ monu bɛnɛ ya nase, mojɔ bo lobebaka ya na sɛ na bikpa, na babi babukaka ndako a bo’ba. Kinani leka lonu loyumu lohɛe oko oho Diko; lotabeha nongo na sɛ oho, na babi batalusa nongo a boba. Mojɔ bo, esika edi leka lowɛ loyumu, molema mowɛ mosambi oko ena.

Moto t’ajebake bokɔmɛ baswa babae. Isa adi bolona okina, na âpala yona otongo; isa adi bocingama na okina, na âsɛtoja yona otongo. Otahɔnɔkɔni bokɔmɛ Njambe na makonja pongono.

Leka loesika lua lodi busa bu lodi botumbama puma; na isa Njambe alwajaka leka lomina, esingaiti no! Ino bato baejimeli ekɛkɛ!

Wɛ ko, okakɔ monganji, t’okine oko bo ebɔ ewɛ ebali ejebe mojɔ mokɔkɔ ebɔ ewɛ ebami. Kɔ bato monganji oko a libombi; na Sangwao yona onɛkɛ a libombi âda na likabo ai wɛ.

Toma nganjamani bo otakɔni bilomu binu bibodongo a boso bobato bo banɛe no. Okakɔni boa, otasɔni nongo ndese ai Sangwa’nu yona odi a Diko.

Yana adi na bikia, t’odaeni oko na wa a miso manu o ekɔmɛli ebakosei. Ibo bakinaka maso mabu mabehe, a boneja bato bo bakiaka dia. Mbi natɔndɔkɔ no soti bo ndese ebato bamina ebwani. Wɛ ko okakia, baka swe jiwɛ, na sosa boso bowɛ, bo bato batajeba nongo bo okiaka; aneja oko Sangwao yona odi a libombi, na Sangwao yona onɛkɛ a libombi âda na likabo ai wɛ.