Popular Bible Verses from Marcos 8

Share

Hamẽ tsuabũra xinaĩ: “Ẽ mawakatsi ikamaki”, iki hatũmebi mekeaiburã, eauma mawakĩ hatũ hiwea benushãkanikiki. Hakia ea ikũwãkĩ ẽ kakape yusĩkĩ ea txibaĩwẽ taeshũ tenãbiabu hatũ hiwea benuama hiwekuĩshãkanikiki.

Haska inũ, haskati dabanẽ yurabũ xinãma mai anua mabuwẽ inũ hamapai tibiwẽ kemukĩ itxawai hiwemisburã, haburi eauma mawai benushãkanikiki.

hanushũ Jesusũ hawẽ tsumabu inũ yurabu habe buaibu kenashũ yuikĩ: —Tsuabura eki txiti ikatsis ikirã, hamebi haska xinãmis hakimatã: “Bika tenei ẽ hawẽ taea mawatiruki”, ikĩ hau ea txibãkubainũbũwẽ.

Ha inũ, hawara inãnanãkĩ hawẽ hiwea pakatã hawẽ hiwekuĩti tsuã bitirubumahairaki. Haska inũ, tsuabura na yurabu txakabu bebunua eki inũ ẽ hãtxaki dakemisburã, ẽ Epã kuxipaya hawẽ nai tsuma pepabube hua habiaskariai ẽ hatuki dakeriashanaii— iwanã

hanushũ Jesusũ haburi yukakĩ: —Hamẽ matũ xinãkinã, mã tsua ea yuimismẽ?— hatu waya hanushũ Pedrõ hatu yuishũkĩ: —Miarã, mĩ nukũ mekenika Messias Cristoki— akaya