Popular Bible Verses from Marcos 6

Share

yurã kaiã Jesuski itxabu hanishũ hawẽ tsumabũ pitirubumakẽ Jesusũ hatu yuikĩ: —Benãta hatu dapashkabaĩ haria huĩrukũyunũ bukãwẽ— hatu wabaini

Jesusũ hatu yuikĩ: —Deusũ hãtxa yuishunika hushũ yurabu hatu yusĩayã betsa betsapabũ nĩkakĩ duawaibũ hakia hawẽ mae anu kashũ hawenaburi hatu yusĩria habũ hawẽ hãtxa danaĩbũ habiatiãri hawẽ hiwe anuabu inũ hawenabu betsabũ danãriamisbuki— hatu watã

Jesus shashuwẽ kai keti itã shashu anua butukaĩkĩ yurã kaiã uĩ hatuwẽ nuihairakĩ habu txashuwã uĩnikauma keskabuwẽ taea hatuwẽ dabanã ikĩ hatu yusĩ taewashũ betsa betsapawẽ hatu yusĩbaiaya

hanushũ isĩ teneaibu eskarabes hatu mekĩ hatu shushawatã hawara atimaska Jesusũ ana hatu ashũkĩ hatu uĩmama haska hatuwẽ nuikĩ yusĩbia habũ ikũwãbumawẽ taea huĩti nixmai e inikiaki. Mae urama hiweabu tibi besti anu kakũkaũkĩ Jesusũ hatu yusĩkubaũtani hushũ

Jesusũ ha misi mekẽ besti inũ baka dabe tsumashũ naiuri teskãshũ uĩkĩ pitikiri Deus kẽwãtã misi tũke tũke apakekĩ hawẽ tsumabu inãkĩ hatu yunua ha yurã kaiã inãbaunaibũ hanushũ baka daberi hatu inã hari hatu inã keyuabu dasibibũ yani wai benimai pepeaibũ hanua ha misi mekẽ besti inũ baka dabe ha dabe hatu pashkashuna 5.000 hunibũ pikĩ teshe wakãshu itxawakĩ 12 kuki hawẽ tsumabũ mata wanibukiaki.