Popular Bible Verses from João 6

Share

Jesusũ ana hatu yuikĩ: —Hiwekuĩmati misirã, habia ẽ eaki. Tsuabũra ea nĩkakĩ xinã betsa watã eki txiti ikaibu ẽ hatũ yushĩ kuxipa wa ana buniama keska ishãkanikiki. Ha inũ, tsuabũra ea ikũwãkĩ ẽ hãtxa nĩkakubainaibu ẽ hatu xinã txãkãwã ana ũpash manui tetsusinama keska ishãkanikiki.

Shabakabi matu yusĩnũ nĩkakãwẽ. Ẽ yushinĩ hatu hiwemashanikiki. Hamẽ yurabũ hãtxawenã, hawa hatu hiwemakĩ kuxipa watirumahairaki. Ẽ hãtxa ẽ matu yuiairã, ẽ yushĩ keskaki. Mã ikũwãyã ẽ hãtxã matu hiwekuĩmaikiki— iwanã

Haskai piti txapumiswẽ besti kemui mã mapua ikanai? Hakia ẽ Epa Deusũ ea kuxipa waniwẽ taeshũ hawẽ kuxipa ẽ matu inãshanai ha bestiwẽ kemui mapukãwẽ, hawẽ hiwekuĩ ikibi itirã. Haskawẽ taeshũ habia hawẽ unãmati wakĩ Epa Deusũ ea matũ Hutxi Kayabi Iuwa ea waniki, yunukinã— hatu wa

Dasibibũ Deusũ bake xinãkubaĩkĩ ikũwaĩ hiwekuĩa ma hayabuwẽ taeshũ hawẽ heneai shabatiã ẽ hatu bestẽwãshanaii, haska ẽ Epã xinaĩ yubakani keska meneshũkinã— hatu wakĩ

Jesusũ ana hatu yuikĩ: —Deus benimawakinã, hatũ ea yununi besti ikũwãkãwẽ, ẽ eakirã— hatu wa

Hakia ea yununitũ xinãnẽ aki ẽ huniki, emebi ẽ xinãnẽ aki huamarã. Haskakẽ tsuabura katushũ Epa Deusũ ea anu hatu peshukĩ ekiri yunua ikũwãkĩ ea haibuwakubaĩshãkanikiki. Ha inũ, ea ikũwaĩbu ẽ hatu danãtaskama ishanaii.

Simão Pedrõ yuikĩ: —Shanẽ Ibuũ, mia henebaĩ tsua mia keska nũ txibãtirumaki. Hiwekuĩmati hãtxa mĩ nuku yusĩmiski. Deusũ bake meribi peparã, habia mĩ mia nũ unaiĩ— aka

Nai anua butuni misi hiwearã, habia ẽ eaki. Tsuabũra na misi hiwea pikubaini hiwepakeshãkanikiki, ikibi ikirã. Na misi ẽ hatu inãshanairã, ẽ yura kayabiki. Haskawẽ taea na mai anu yurabu shukuabu tibi hawẽ hiwetirubuwẽ taeshũ ẽ yura kayabi ẽ hatu inãshanaii— akĩ hunea hãtxawẽ hatu yuiaya

Epa Deusũ ea yununitũ hatu kenamarã, ea haibuwatirubumaki. Hakia hatu kena ea ikũwaĩbu hawẽ heneai shabatiã ẽ hatu bestẽwãshanaii. Deusũ hãtxa Isaíasĩ keneni matu yuinũ nĩkakãwẽ: ‘Deusũ dasibi hatu yusĩkĩ meshtãmashanikiki’, aniki. Haskawẽ taeshũ tsuãra Deusũ hãtxa nĩkakĩ tapĩkubaĩmisshunã, ea haibuwakanikiki.

Ha misi Deusũ yurabu dasibi inãkatsi ikairã, ha nai anua butunitũ hatu dasibi hiwekuĩmatiruki— hatu wa

Hiwekuĩmati misirã, habia ẽ eaki. Txanima tsuabũra ea ikũwaĩ hiwekuĩkanikiki, ikibi ikirã.

ha huni bake anua Jesusũ misi bitã Deus kẽwãtã misi tũkepakekĩ nuku inã ha tsauwabu nũ hatu inãbaunaya habiaskari wakĩ ha baka bitã tekepakekĩ nuku inãriaya nũ hatu inã hati pikatsis ikĩ bitã pikĩ hanushũ yani wai pepeaibũ Jesusũ hawẽ tsumabu nuku yunukĩ: —Ha piti teshe waibu hau txakawayamanũbũ itxawabaũkãwẽ— nuku wa

haimãwẽ tuẽxini ma txaiskabui cinco kasmai seis quilômetro nunushũ Jesus iã bepaikiranai uĩ nũ datehairaya nuku yuikĩ: —Ẽ eaki. Ewẽ dateyamakãwẽ— nuku wa