Popular Bible Verses from João 14

Share

Ẽ hãtxawẽ datei matũ huĩti nixmayamakãwẽ. Deusũ unãnuma hawẽ uke meranu unãnumati ẽ matu inaiĩ. Haska yurabu hatũ xinãwẽ hiwekĩ unãnumai hiwemisbu keska matu inãma hakia Deus anua daewanika kayabi unãnuma ẽ matuki baxiaii.

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

nukuri Jesusũ yuikĩ: —Na haska ẽ txaniayarã, huĩti meteshei dateyamakãwẽ. Deus ikũwãkĩ eari ikũwãkãwẽ.

Hakia hawẽ Yushĩ Pepa matũ Mekenã Bena ẽ kenaya ẽ Epa Deusũ yunua hushũ haska ẽ matu yusĩkubaĩmis dasibi ẽ matu yuiai ana shabakabi matu xinãmakubaĩshanikiki.

Haskakẽ tsuabũra ẽ yusĩa nĩkakĩ txibãkubaĩkĩ ea unãmai txanima ea abukubaĩshãkanikiki. Haska inũ, tsuabũra ea abuaibũ ẽ Epa Deusũri hatu aburiashanikiki. Haskaibu shabakabi ẽ hatu unãmashanaii, habũ txanima ea abuaiburã— nuku waya

Mã haska wakubainaya ẽ matu yukashuna Merabenã Bena betsa Deusũ matu anu yunushanikiki, hau matube hiwei ikibi ipashanunã. Merabenã Benarã, hawẽ Yushĩ Txanima Unãmanikaki. Mai anu yurabũ hawa unãbumã inũ uĩabumã Merabenã Bena ikũwãkĩ haibuwatirubumaki. Hakia natiã matu dapi hiwea txipu matube uke merã hiweshanaiwẽ taeshũ Deusũ Yushĩ Txanima Unãmanika mã ma unaiĩ.

Ẽ kenawẽ taeshũ tsuabũra hamapai Epa Deus mã yuka ẽ hawẽ bakẽ ẽ matu ashũshanaii, ẽ Epã kuxipa matu uĩmakinã. Hamapai tibi ẽ kenawẽ mã ea yuka ẽ matu ashũshanaii— iwanã

ana nuku yuikubaĩkĩ: —Txanima mã ea abuairã, haska ẽ matu yusĩkĩ yunumis xinãkĩ ẽ hãtxa mã txibãkubaĩshanaii.

Ẽ Epa Deusũ hiwe anu teke shaka itxapa hayaki. Hawẽ hiwe haska hayamakẽ ẽ matu yuiama ikeanaii. Haskakẽ hanu hiwei mã niti ikama ishanũ ẽ matu pewashuĩ kashanaii.

Hanu maturi ka ẽ hiweai anu mã iriatiruwẽ taea kashũ bebũkiri ẽ matu pewashuĩ kashanaii. Ana hushũ ẽ matu iyushanaii, hanu nũ hiwenũbunã— itã

Tomẽ yukakĩ: —Shanẽ Ibuũ, hanu mĩ kashanairã, nũ unãmaki. Haskatã hawẽ kati bai nũ unãshanai?— aka