Popular Bible Verses from João 1

Share

hakia hatiritũ hawẽ hãtxa nĩkatã ikũwãkĩ beya waibũ Deusũ Xinaĩ Hãtxatĩ hau Deusũ bakebu ishanũbũ hawẽ kuxipa hatu inãkĩ hatu duawakĩ taewaniki.

Bawakĩ taewariama Deusũ Xinaĩ Hãtxati Epa Deusbe hiwea habiaska dabes Deus ipaunibukiaki, niti ikamarã. Hakiri matu yuinũ nĩkakãwẽ.

hubiakẽ txakabu xinãkĩ yurabu mexu merã nia keskabũ txanima hãtxa nĩkakatsi ikama ha shaba hiwemanika beshtekĩ nemanũ ibiakĩ atirubuma inibukiaki.

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

Bai taei yura hayariama habias hawẽ Xinaĩ Hãtxati Deusbe yubakatã habetã dasibi damiwakĩ keyunikiaki. Dasibi damiwakĩ habe pashkama hiwea hauma Deusũ hawa wariama hakia hawẽ Xinaĩ Hãtxatibetã dasibi betsa betsapa damiwanũ ishũ damiwakĩ keyunibukiaki. Haska inũ, hawẽ Xinaĩ Hãtxati shaba keskatũ txanima hãtxa hiwekuĩakiri hatu xinãmai

Hanua ushaxini bestẽtã maniabũ Jesus huai txaima betxitã metukĩ Joãonẽ hatu yuikĩ: —Uĩkãwẽ. Deus daewakĩ hatũ txashuwã bake menumisbu keska wai yurabu dasibibũ txakabu hatũ hatu buashũkĩ Deus nuku daewashũti ma huikiki.

mai damiwani anu hua hatube hiwea hawẽ yusĩa habũ hawẽ hãtxa nĩkama hatu hawenawakĩ damiwabiani Deusũ Xinaĩ Hãtxati mirimabũ unãma inibuki. Haska inũ, Deusũ Xinaĩ Hãtxati hawenabu anu hukẽ habia hawenabũri hawẽ hãtxa nĩkama habũ beya wama danaĩbũ

Hanushũ shaba keskatũ hiwekuĩakiri yusĩ hatu unãmai

Haskawẽ taeshũ bebũkiri Deusũ Moiséswẽ hawẽ hãtxa nũ ha txibanũ nuku yununiki. Hakia txanima hãtxa haya inũ hawẽ nui abunameti kayabi huirã, hanua nũ binũ Jesus Cristowẽ taea besti huaki.