Popular Bible Verses from Markɛ̀n 9

Share

Zhezü mrɛ́n ɔmùan: “Ɛ lɛ hán tɛ̀, ɔmu lɔ de ɛ dɔ̀ nɔn. Tɛ́n ke dú kɛ ɛ̀ ẅɛn ankàẅì-bùtan hô, ɛ̀ cɔ̀ è nyrì le eci lɔ kɛ lɛ hán.”

Ɛnvra zri lɔ ɛnẅì-nɛ́n-zi sɩ́ ɔmùan ɛwú le: “Me bútan, ɛ̀ wá mɛ̀n ɛkɔrɛ̀, ɔmuhi m'ankàẅì-bùtan lɔ ke sɩ̀ ẅɛ̀n ecüì nɔn!”

Ɛnvra léyi Zhezü bru ɛbemɛ̀n nɔn hɩ nɛ́n mán n'ɛsɛ̀nkɛn-bɔ̀ mɛhi yɔ yɛ́ nɔn, yɔ yrɛ nɛ̀n le: “Cɛci kruhú kɛ bɔ́ tɛ́n bɔ̀ sɩ̀ cɔ̀ ɛnhɛ́n ndɔ lɔ n'ɛwrɔ́-yriɛ?” Zhezü mrɛ́n ɔmùan le: “Ɔwɔ-sɛ̀n zri kɩ dú eci léyi kɛ lɛ wrɔ́ ɛnhɛ́n gbàngbàn ndɔ lɔ nɔn.”

“Ɛnjüɛ̀ dú eci ankrànkràn; tɛ́n ke dú kɛ ɛnjüɛ̀ zrɔ lɔ kɛ vacì hô, anhɔntan de nyɛ lɛ hán ô nɛ̀n srɔ ɛnjüɛ̀ ẅì nɛ́n? Ke ji le nyɛ́n dù kɛ hán ɛnjüɛ̀ hɔ́, ô nyɛ́n mán nyɛ́n muan-ẅì hɔ̀n mɛhi nyɛ́n dú anwɔwɔ mɛ̀n.”

“Ɔwrɔn léyi ke bɩ́ ɛnẅì cɛ ɔmu lɔ m'ɛkruhú nɔn, mɛ́n múmù de ne bɩ́ mɛ̀n nɔn; kɩ ɔwrɔn léyi ke bɩ́ mɛ̀n nɔn, nɛ́n sɩ́ bɩ́ mɛ́n dùku kɩ, tɛ́n ne bɩ́ mɛ̀n mán ɔwrɔn léyi wá mɛ̀n ɔkɔ̀hɔ̀n nɔn.”

Kɩ ɔwrɔn léyi Krisì bɩ́mɛ̀n, kɛ lɛ tán nyɛ̀n ɛnshi grashɛ̀n zri nyɛ́n mì nɔn, annànwɔrɛ mɛ̀n mɛ dɔ́ nyɛ̀n le: Nɛ lɛ cɔ́ anjakpà lɔ.”

“Ɛẅì hɔ̀n léyi ke bú m'ankà kɛ tán ankàẅì nɔn, ke dú kɛ ɔwrɔn kɛ hán ɛnzri kpokpo ke bru ɛgbàn mɛ̀n hô, zrɔ tán le ɔwrɔn ndɔ lɔ ye mú nɛ̀n obù vri tɔ̀n ɔbɔ̀n ô yɛ kɔ́n nɛ̀n di ecüe.

Kɩ ke dú kɛ v'ɛvɛ̀ de kɛ hán mɛ́n e bru ɛgbàn mɛ̀n hô, è fú nɛ̀n; zrɔ tán le è bɩ́ ɛvɛ̀ zri è bru Anhobɩ́ Nɛ̀ncüì-dúyri, kɩ anvɛ̀ anhyrɛ̀ kè dú mɛ́n ô ɛ̀ hɔ́n ɛnhyà mɛ̀n.