Popular Bible Verses from Matie 24

Share

Ɛgbàn ke le bɩ́ ɛyri, kɛ lɛ hán ɛcüɛ̀n kɛ lɛ trɔ anwrɔn bobrebe ɛnbɔrɛ mɛ̀n. Tɛ́n ɔwrɔn léyi kɛ lɛ ẅɛn nɛ̀n ɛshishiemɛ̀n hàn kɩ kɛ̀ cɔ́ ɛnvra trɔ mùan lɔ nɔn, nɛ lɛ cɔ́ ebɩdie.

Anhobɩ́ Nɛ̀ncüì-dúyri mɛẅi ankà ankrànkràn ndɔ lɔ ke le bonyí ɛnhibù mumù lɔ wú, ô fɛcüè lɔ fɛn kè di nɛ́n dalɛfuɛ. Kɩ zɛtɛn ɛnhibù trɔ vra kɛ lɛ cɔ̀.”

Nyɛ lɛ yá anhà-kɔ́n bobo ɛtɛ̀sɛ̀n mán esù-she anhà-kɔ̀n mɛẅi ankà; nyɛ́n bɩ́ tán ɛnjansù kɛ ẅɛn nyɛ̀n: ke ji le ndɔ lɔ kɛ hán, tɛ́n ke sɩ̀ dù ɛnhibù trɔ vra.

Ɛnhibù wú fɛcüè tɔ̀n kɛ lɛ kɔ́n fɛcüè nyàntɛn tɔ̀n anhà, kɩ ɛnhibù wú nɛ̀ncüì anmàn tɔ̀n kɛ lɛ kɛ́n ɛnnɛ̀ncüì anmàn nyàntɛn tɔ̀n ezì; ebrè kɛ lɛ kɛ́ kɩ ɛnhibù kɛ lɛ jɔ̀kɔ́ ɔpkɔsɔ nyàntɛn hɔ̀n wú. Ɛci ndɔ hɔ̀n lɔ fɛn ke le dù kɛ lɛ hán ɛnvrakpà ẅì-bî gbànkàn hɔ́.

Anhobɩ́ mán ɛnhibù kɛ lɛ vàcì, tɛ́n m'ɔmùan ankà-dɔ̀ ke sɩ̀ vàcí mrìmrì.”

Ɔmuhi anwrɔn bobrebe kɛ lɛ và ke le bɩ́ m'ebɩ́ kɩ kɛ lɛ dɔ̀ le: ‘Mɛ̀n dú Ebɩdie-wrɔn!’ Kɩ yɔ lɛ frɛ́n anwrɔn bobrebe.

Zɛtɛn anwrɔn ke le bɩ́ nyɛ̀n kɛ tán yɔ, ô yɛ hán nyɛ̀n nyɛ́n di ejüe kɩ ye le di nyɛ̀n owúemɛ̀n. Fɛcüè lɔ fɛn ke le gbri nyɛ̀n m'ɛkruhú. Hɩ vra lɔ, bobrebe ke le tecüe y'ankàẅì-bùtan lɔ; yɔ le ku y'edomɛ̀n ankà ɛwú kɩ yɔ le gbri y'edomɛ̀n. Ɛyɔ̀n Wɔ-mùanwú-ankà-dɔ́-bɔ̀ bobrebe kɛ lɛ srɔ kɩ kɛ lɛ frɛ́n anwrɔn bobrebe.

Zhezü mrɛ́n yɔ ɔmùan le: “Nyɛ́n wá esùva, ô ɔwrɔn zriɛmɛ́n ke bɩ́ frɛ́n nyɛ̀n.

Hɩ le kruhú de ke ji le, nyɛ́n krɔn kpehɛ́n, nyɛ́n mán, ɔmuhi ɔwrɔnẅì Ẅì kɛ lɛ vá ɛnvra léyi nyɛ́n sɩ̀ troɛ̀ nɔn.”

Nyɛ́n kpri ɛvɛ̀, ɔmuhi nyɛ́n sɩ̀ nyrì ny'Ɛẅɛnwrɔn vá bì lɔ nɔn.

“Ɔmu tɛ̀kɩ ɔwrɔn zriɛmɛ́n ke sɩ̀ nyrì ɛnvra-trɔ bì lɔ, nɛ́n bì mán nɛ́n wacɛ̀n, Ɔwɔ-kùyüre-bɔ̀ léyi dú anhobɩ́ mán, ɔwrɔnẅì Ẅì dùku mán; Ɔwɔ-Zi zri kɩ nyrì.

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci ɛvrivri hɔ̀n mán eci-woroan-ci, ô yɔ frɛ́n anwrɔn, bɔ̀ sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le bore.

Eci léyi wɔɛ́n Noe vra lɔ nɔn, eci zri lɔ de kɛ lɛ wɔɛ̀n, ɛnvra léyi ɔwrɔnẅì Ẅì kɛ lɛ và nɔn. Annànwɔrɛ mɛ̀n, Noe vra lɔ, ɛnshi kɛ vá yì ke bɩ́ ɛyri kɩ anwrɔn dú ɛci-zî mán ɛnshi miemɛ̀n, yɔ yri wúyɔ̀, ɛnvra tɔ̀n yɔ tán wúyɔ̀-ẅì hɔ̀n wúcɔ̀ kè yrì, hàn kɩ cɔ́ ɛnvra léyi Noe bru ebɩdie hɛ̀ lɔ mɛ̀n; ɔwrɔnẅì zriɛmɛ́n ke sɩ̀ nyrì eci léyi kɛ lɛ wɔɛ̀n nɔn, hàn kɩ krɔn ɛnvra léyi ɛnshi yɩ̀ bɩ́ anwrɔn lɔ fɛn nɔn. Ɔmu lɔ de ke le dù ɛnvra léyi ɔwrɔnẅì Ẅì kɛ lɛ và nɔn.