Popular Bible Verses from Zhan 19

Share

Ɛnvra léyi Zhezü sɔ́n ɛntàn-drɔ lɔ ɔmùan nɔn, nɛ dɔ̀ le: “Eci lɔ fɛn lɔ trɔa!” Zɛtɛn nɛ̀n sɩ́ ɛnkru ɛnhi, kɩ nɛ́n wù.

Ndɔ lɔ mɛẅi lɔ, ɔmuhi Zhezü nyri ɔmu le zɛtɛ̀ lɔ, ɛci lɔ fɛn lɔ trɔa nɔn, nɛ dɔ́ ankà ndɔ lɔ ô Owrú Prɔnprɔn ankà-dɔ̀ lɔ kɛ sá nmù: Nɛ́n dɔ̀ le: “Ɛnshi mùanwù kɛ ẅɛn mɛ̀n.”

Zhezü kán nɛ́n muan kɩ nɛ́n muan tɛsɛ̀n lɔ, n'ɛsɛnkɛn-wrɔn léyi nɛ cüɛ̀n nɔn nyɔn. Zhezü kɛ dɔ́ nɛ́n muan le: “Nmàn, nyàn v'ɛnẅì.” Zɛtɛn nɛ dɔ́ n'ɛsɛnkɛn-wrɔn lɔ le: “Nyàn ɔmuan.” Kɩ ɛnvra lɔ mɛ̀n, Zhezü sɛnkɛn-wrɔn lɔ bɩ́ Mari sɩ́ ebemɛ̀n.

Ɛnvra léyi kɛ́n Zhezü nɔn, yɔ kán ɔmu le nɛ́n wùɛ; hɩ le kruhú de yɔ sɩ̀ bɔ̀yɛ nɛ̀n annan nɔn. Tɛ́n Gɔliɛ-wrɔn tɔ̀n bɩ́ ebisɛn sɔ́n nɛ̀n ɛgbroẅiè kɩ ɛnkrɛ̀ mán ɛnshi mɛhi srɔ ɛntrɛ ɛnvra zri lɔ.

Ɔmuhi eci ndɔ lɔ hán tán, ô Owrú Prɔnprɔn ankà-dɔ̀ lɔ kɛ sá nmù nɔn: “Ye sɩ̀ bɔyɛ nɛ̀n ɛnwi zriɛmɛ́n”. Kɩ owrú nyàntɛn tɔ̀n vru kɛ dɔ̀ le: “Yɔ lɛ kán ɔwrɔn léyi yɔ sɔ́n ebisɛn nɔn”.

Zhezü srɔ anmàn kru, nɛ́n mumù nɛ̀n di n'ɛgbàn-hán-tɛ̀ lɔ anbɔ̀n, nɛ hɔ́n ɛyri léyi ye bi lokrozì nɔn (hɩ ye bi Golgota).

Gɔliɛ-bɔ̀ hán ɛwi kplo wá Zhezü ɛnkru; yɔ cɔ́ nɛ̀n ɛceci she wɔnsɛn.