Popular Bible Verses from San Juan 11

Share

Pa yit'esh ja Jesús: —Ya lhech, tôlhyi' pa vatneetshamjayash shi' pa vatmônlhajayash. Papu ca ninascacu'taja lha'ma ca nivaf lhôn, mônlha jayu shta;*xh* lhacôm'a papi caajem pa lhamônlhajayash shi' ca ninatcacujantajayish, papi lhech tanca nivaf jayu pa cat'elheesh. ¿Naascacuesh cavôque?

Taj ti yit'esh ja Jesús: —¿Apis aven na jayeesh'a ca niascacu'taja pa avan jayu ja lhôclôjqueyash ja Dios?

Yip'in ja Jesús.

Meelh ti yipe'yach'e cavôque ja Jesús, pa yit'esh: —Côque lhayyasha tanca nivôômji jayu pa lhavafi, jô'lhaa ti t'ajuya jayu ti chinôclitesh ja lhasnôycheyash ja Dios, shi shta ja lhasnôycheyash na Lhaôs ja Dios.

Vooy ti tifeshch'e cavôque, pa yit'esh ti yisitsenesh: —¡Lázaro, anachfach'ee! Pa nachfach'ee jan vaftaj, chiyclôpjalheshch'e java t'itjuy shi' java lhafoc ja sivôclôclhayeech, shi' ja lhshatech chiyclôpjalheshch'e ja vatac'ôcle. Tayôjijanesh ja Jesús pa yit'esh: —Anuqueeshelhch'e nava chiyclôpjalheshch'e pa an'ateelh ca nôc.

Yachajeyc'oya shta ja Jesús ti yitacshin'in, pa tac'uya ja nivalhech. Pa camamqu'e tatsha lhapesh, jôlhaa lhja utej ti chip'oojey ja lhashiesh.

Pa yit'esh ti tasinôyc'oya ja Jesús: —Ja catsic'utsfa Lázaro yimô' nôqueesh; taj ti jôquey jayu ca janjat'ôtsjan.