Popular Bible Verses from San Juan 1

Share

Taj ti papi yit'esh ti t'acuumjulh pa nincacuesh shta, papi lhech yamey ti lhclesesh pa Dios.

Nich'a chitôlhesh'e pava matas ti p'alha' ti caaj pa Ya'clish. Pa lhech Ya'clishesh yi'jop pa Dios lhech lhavaatsha pa Dios.

Pa lhech vatqu'isjuyaj yitujatsham pa tulhitaj, lhan'e pa tulhitaj pa tanca namcat pa lhech.

Jô lhech Ya'clish nivacleesh, jan yi'jotshiin shta muc, yamqu'een pa lhencheyash shi' shta pava yijô'. Javanshelh ja lhasnôycheyash ti yivi'sinatesh ja Lhaôs ti yijutem pa Lhtata.

Lhacôm'a nava matas tô'lha ti yivclanjat cô lhech Ya'clish; ca ama lhôn cô lhech pa tanca navclantaj nava vaclan nôqueesh.*xa* Lhavaatsha ti yi'shi' pa vatmônlhajayash pa lhech vatmônlhajayash lhqu'isjuyajesh papi yiey na cotsjaat.

Vooy ti nalhu pa lhechesh pa yivanjulh ja Juan ja Jesús ti nachey pan yie', pa yit'esh: —Ovalhelhjulh, nôquejulh ana nan yivômjatemch'e jayu papi nivacle pava lhsasch'esha'ne. Na lhech tashinshtajesh vatcufayjat'esh, vooy pa Dios tcufayesh.

Jô lhech jan Ya'clishesh p'alha ti yiey na cotsjaat; pa tanefeneshelh pa Dios ti yisnatshelh lhacôm'a na tuc'a'ey na cotsjaat. Taj ti napi yiey na cotsjaat ninteesh ca nach'ana jô lhech. Natajeshey japin yitsôt'ajesh taj japu lhech ninteesh ca natcuumjulh.

Pa lhech yijô' vatqu'isjuyaj pan nôclit'apee lhacôm'a papi nivacle ti namey na cotsjaat.

Chiyjuteyjoom lhapesh pa Moisés pava vatyôjijates; vooy vitsha pa vatencheyash shi' pa yijô' tô'lha ja Jesucristo.